Хүүхдийн хөгжлийн үйлчилгээний аргачлал, зардлын норматив батлах тухай Гэр бүл, хөдөлмөр, нийгмийн хамгааллын сайд, Боловсролын сайд, Сангийн сайдын хамтарсан тушаал 2026 онд батлагдсан.

Хэрэгжилтийг хангах хүрээнд Хөгжлийг дэмжих үйлчилгээний аргачлал, зардлын норматив, стандартын хэрэгжилтийг хангах арга зүйн сургалтыг 2026 оны 04 дүгээр сарын 16-17-ны өдрүүдэд зохион байгуулж байна.

Тус сургалтад аймаг, дүүргийн Хүүхэд, гэр бүлийн хөгжил, хамгааллын газар, хэлтсийн дарга, ахлах нягтлан бодогч, хөгжлийн асуудал хариуцсан ахлах мэргэжилтнүүд нийт 120 албан хаагч хамрагдана.

Сургалтын үр дүнд:

-Хүүхдийн хөгжлийн хэрэгцээг тодорхойлох, үнэлэх, төлөвлөгөө боловсруулах, үйлчилгээ үзүүлэх, хяналт үнэлгээ хийх, үйлчилгээг хаах цогц арга зүйг эзэмших;

- Хөгжлийг дэмжих үйлчилгээний нийтлэг шаардлага MNS 7076:2025 стандартын хэрэгжилтийг хангах талаар мэдлэгээ нэмэгдүүлэх;

- Хөгжлийн үйлчилгээний аргачлал, нормативын аргачлалыг хэрэгжүүлэх арга зүйд суралцах;

- Хүүхэд хамгааллын санхүүгийн программын ашиглалтыг талаар мэдлэгээ сайжруулна.

ХГБХХЕГ-аас Хүүхэд, гэр бүлийн хөгжлийг дэмжих жил зорилтын хүрээнд хөгжлийн үйлчилгээ, хөтөлбөрт онцгойлон анхаарч, чанарыг сайжруулах тал дээр бодит үр дүн гаргаж ажиллахыг зорьж байна. Сургалтад оролцож буй нийт албан хаагчдадаа амжилт хүсье.