Боловсролын сайд Л.Энх-Амгалангаас тодруулга мэдээлэл өглөө. Ингэхдээ тэрбээр, "Боловсролын сайдын багц 5.3 их наяд. Үүний 3.2 их наяд нь багш нарын цалин. Цалин нэмэхээс өмнөх гүйцэтгэлээр манай салбарын 3.2 их наяд байсан юм. Хэрэв цалин нэмэх гэж байгаа бол цалингийн сангийн 50 хувиар л нэмэх ёстой шүү дээ. Тэгвэл 2.3 их наяд байсан цалингийн санг 50 хувиар нэмбэл 1.2 их наяд нэмэх төсвөө оруулж ирэхийг чуулганд хэлж байсан. Гэтэл зөвхөн багш нарынхаа цалин нэмэх төсөв оруулж ирээд, зөвхөн багш биш багш ажилчдын цалин нийтээр 25 хувиар нэмэгдсэн зүйл л болсон. 1.1 их наядын цалингийн зөрүү гарч ирж байна. Өчигдөр ЕС хоёр сургууль дээр очиж ажиллаж, бодит байдалтай танилцлаа. Багш нар маань өчигдөр ярьж байна. НДШ байгууллага төлж чадахгүйгээс багш нар декритээ авч чадахгүй байна. Эмнэлэгт хэвтсэн багш нар листээ авч чадахгүй байна. Энэ жил 2000 орчим багш тэтгэвэрт гарах байсан ч хуучин цалингаасаа тэтгэврээ тогтоолгох уу шинэ цалингаасаа тогтоолгох уу гэдэг дээр ойлгомжгүй байдал үүссэн байсан. НДЕГ-аас ирсэн бичгээр 44 тэрбум төгрөгийн өр үүссэн байна. 44 мянган багш буюу хоёр хүний нэг нь НД-аа төлж чадахгүйгээс хохирох нөхцөл үүссэн. Иймээс ирэх лхагва гарагт ЗГ-ын хуралдаанд тооцооллоо танилцуулах үүрэг өгсөн" гэлээ.