МҮБХ-ноос гурав дахь жилээ зохион байгуулж буй “Алтан цом”-ын аваргын төлөөх барилдаан өнөөдөр 14:20 цагаас Монгол бөхийн өргөөнд болно. Цомын төлөө “М-Си-Эс Энержи” болон “Хатант Интернэйшнл” багуудын өрсөлдөх юм.

Нийт 1.5 тэрбум төгрөгийн шагналын сантай энэхүү барилдааны тэргүүн байрт орсон баг ₮500 сая, дэд байр ₮250 сая, гуравдугаар байр ₮150 сая, дөрөвдүгээр байр ₮100 сая, тавдугаар байр ₮65 сая, зургаадугаар байр ₮60 сая, 7-8 дугаар байрт шалгарсан баг тус бүр ₮50 саяын бай гардах юм.

Гутгаар байрыг дархан аварга Н.Батсуурь ахлагчтай Хамаг Монгол баг эзлээд байгаа юм. Дашрамд дурдахад МҮБХ-ноос “Алтан цом”-ын барилдааны шагналын таван хувь буюу 75 сая төгрөгийг Эх нялхасын эмнэлэгт хандивлахаар болжээ.