Сүүлийн үед ОХУ даяар утасны дата тасалдах болсон. Нийслэл Москвад хүртэл гуравдугаар сарын турш утасныхаа датаг асааж интернэт орох боломжгүй байсан юм. ОХУ-ын Ерөнхийлөгч Владимир Путин дата хязгаарлаж буй нь террорист халдлагаас сэргийлэхэд зайлшгүй шаардлагатай гэжээ.

Путин пүрэв гарагт /2026.04.23/ ОХУ-ын Цахим хөгжлийн сайд Максут Шадаевт цагаан жагсаалтад багтсан цахим үйлчилгээнүүдийг тасралтгүй ажиллуулахад анхаарч ажиллахыг даалгасан байна. Цагаан жагсаалтад засгийн газрын дэмжлэгтэй үйл ажиллагаа явуулдаг Макс мессенжер, томоохон банкнууд болон төрийн өмчит телевизийн аппликейшнүүд ордог.

Украины дайн эхэлсний дараа ОХУ интернэт орчинд хатуу хяналт, хязгаарлалт тавих болсон. Харин сүүлийн үед дата тасалдах явдлын давтамж нэмэгджээ. Зарим хүн дата тасалдаж буй явдлыг цахим төмөр хөшиг хэмээн шүүмжилж байгаа юм.