Нийслэлийн замын хөдөлгөөний төлөвлөлт, зохицуулалт, инженерчлэлийн албаны дарга асан С.Энхтөр цахим сүлжээнд өөрийн саналаа илэрхийлсэнийг хүргэж байна. Тэрээр дугаарын хязгаарлалтын тэгш, сондгой, бүсчлэлгүй хязгаарлах, дээр нь цагийг нь сунгах бол арай л харгис шийдвэр шүү. Бид бүх нийтийг хамарсан онцгой нөхцөл байдал гамшгийн үед мөрдье гэж анх гаргаж байсан чинь энгийн үед мөрдөж эхэллээ. Ер нь дугаарын хязгаарлалтыг 2012 онд Нийслэлд 250 000 автомашинтай байхад анх гаргахдаа түр, дараагийн шийдлүүд хүртэл зургаан сар орчим мөрдөнө гэсэн зорилготой гаргасан шүү. Одоо дугаарын хязгаарлалтыг бүр болиод нам түгжирч, тос усаараа ялгарч бодит үнэнтэйгээ нүүр тулах цаг болсон. Ингэвэл төр юу хийх, иргэд яах хэрэгтэй байгаа нь өөрөө маш тодорхой болж асуудал богино хугацаанд шийдэгдэнэ гэв