Өнөөдөр Хүүхэд, гэр бүлийн хөгжил, хамгаалалын ерөнхий газрын дарга Б.Баярсайхан, Хүүхэд, гэр бүлийн хөгжлийн бодлогын хэрэгжилтийн газрын дарга С.Учрал Захиргаа, удирдлагын газрын дарга Б.Доржхуяг, Хамтарсан багийн үйлчилгээний зохицуулалт хариуцсан мэргэжилтэн Ч.Мэндбаяр нар Боловсролын сайдын хяналт, үнэлгээ, шинжилгээ хариуцсан зөвлөх Ч.Оюу-Эрдэнэтэй уулзаж, “Ерөнхий боловсролын сургуульд хүүхдийн эсрэг хүчирхийлэл, үе тэнгийн дээрэлхэлтээс урьдчилан сэргийлэх үйл ажиллагааг зохион байгуулах зөвлөмж”-ийн төсөлтэй танилцаж, саналаа тусгууллаа.

Хүүхэд хамгааллын тухай хуулийн 23.5.1-т заасны дагуу боловсролын салбар хүүхэд хамгааллын үйлчилгээ үзүүлэх журмыг нэн яаралтай батлан мөрдүүлж, салбарын хэмжээнд хэрэгжүүлэх ажлыг зохион байгуулах ёстой. Тухайн журмыг боловсруулан батлах ажил хүлээгдэж буй тул энэ хичээлийн жилд дээрх зөвлөмжийг хамтран боловсруулж, сургуулийн орчинд цаг алдалгүй хэрэгжүүлэх шаардлагатай байгаа билээ.

Хүүхэд, гэр бүлийн хөгжил, хамгааллын ерөнхий газрын дарга Б.Баярсайхан: Боловсролын салбар дахь хүүхэд хамгааллын бодлогын хэрэгжилтийг сайжруулахад бүх салбарын хамтын ажиллагаа, эцэг эхийн хариуцлага нэн чухал байгааг онцоллоо.

Сургуулийн орчин дахь үе тэнгийн дээрэлхэлт, цахим орчин дахь дээрэлхэлтийг бүрмөсөн таслан зогсоох, хүүхэд гэр бүлдээ болон сургуульдаа эрх нь зөрчигдөхөөс урьдчилан сэргийлэх ажлыг бодитой, үр дүнтэй хэрэгжүүлэх хүрээнд Хүүхэд, гэр бүлийн хөгжил, хамгааллын ерөнхий газар болон Боловсролын яам хамтран ажиллаж байна.