Хэнтий аймагт "Их хааны мөрөөр" уриан дор зохион байгуулагдсан Олон улсын III Жембори цугларалт амжилттай болж өндөрлөлөө.

Энэхүү цугларалтад Монгол Улс төдийгүй Канад, Хонконг, Казахстан, Япон, Тайвань зэрэг орны хүүхэд, залуус оролцож, сургалт, танин мэдэхүй, спорт, соёлын олон талт хөтөлбөрт хамрагдан харилцан суралцаж, шинэ нөхөрлөлийг бий болголоо.

НҮБ-ын Хүүхдийн сангийн Монгол дахь суурин төлөөлөгч Биате Дастел,

- Ази Номхон Далайн бүсийн Захирал Ризал С.Пангилинан нар хаалтын үг хэллээ.

- Ази Номхон Далайн бүсийн Боловсрол нөлөөллийн менежер Аржай Ф. Камерос, Захиргааны туслах Пауло Л. Хечанова

- Казахстан улсын Скаутын холбооны Олон улсын хөтөлбөр хариуцсан гүйцэтгэх ажилтан Айман Ашимбаева, Зуслангийн захирал, Скаутын удирдагч Диас Жумабаев

- Монголын Скаутын Холбооны Гадаад харилцааны Зөвлөх Пете Армастронг нар оролцлоо. Хэнтий аймгийн Хүүхэд,гэр бүлийн хөгжил хамгааллын газар бэлтгэл ажлыг маш сайн хангаж, хөтөлбөр зохион байгуулалтанд идэвх зүтгэлтэй ажилласанд талархал илэрхийлье.

Арга хэмжээний үеэр оролцогчид Монголын өв соёл, үндэсний уламжлалыг илэрхийлсэн бэлэг дурсгалын зүйлсээ солилцож, дурсгалын зураг татуулан улс орон бүрийн өв соёл, зан заншлаа танилцуулж, соёлын солилцоог өргөжүүлсэн нь цугларалтын онцлох мөчүүдийн нэг байв.

Хаалтын ажиллагааны үеэр идэвхтэй оролцсон хүүхэд, залуус, удирдагчид, сайн дурын ажилтнуудад талархал илэрхийлж, дурсгалын бэлэг гардууллаа. Олон улсын III Жембори нь хүүхэд, залуусын нөхөрлөл, хамтын ажиллагааг бэхжүүлэхийн зэрэгцээ Хэнтий нутгийн түүх, өв соёлыг дэлхийд сурталчилсан, олон улсын залуусыг нэгэн зорилгын дор нэгтгэсэн үр өгөөжтэй, дурсамж дүүрэн арга хэмжээ болж өндөрлөлөө.