Баяр наадмын өдрүүдэд Төв цэнгэлдэх хүрээлэнд хүүхдийн аюулгүй байдлыг хангах, болзошгүй эрсдэлээс урьдчилан сэргийлэх хяналтын ажлыг Хүүхэд, гэр бүлийн хөгжил хамгаалалын ерөнхий газар, болон Хан-Уул дүүргийн Хүүхэд, гэр бүлийн хөгжил, хамгааллын хэлтэс хамтран зохион байгуулж байна.

Наадмын талбайд хүүхэд төөрөхөөс урьдчилан сэргийлэх зорилгоор 200 гаруй хүүхдэд утасны дугаар бүхий бугуйвч зүүж, явуулын эргүүлүүд тогтмол хяналт тавин ажиллаж байна. Мөн наадамчин эцэг эхчүүд, багачуудад зориулан хүүхэд хуурайлах тусгай өрөөг ажиллуулж байгаа юм.

Баярын өдрүүдэд наадмын талбайд төөрсөн нийт 3 хүүхдийг албаныхан шуурхай ажиллаж, эцэг эхэд нь хүлээлгэн өгөөд байна. Одоогоор хүүхэд бэртэж гэмтэх, ноцтой эрсдэлд өртөх зэрэг зөрчил бүртгэгдээгүй байна. Хүүхэд хамгаалалын явуулын үйлчилгээ 10-р гарц дээр ажиллаж байна