Хүүхэд, гэр бүлийн хөгжил, хамгааллын ерөнхий газар, Монгол Улсын Хүний эрхийн Үндэсний Комисс, Монголын Эмнести Интернэшнл байгууллагатай хамтран “Ярьдаг футболк-2026” арга хэмжээг 2026 оны 05 дугаар сарын 23-наас 06 дугаар сарын 09-ний өдрүүдэд улсын хэмжээнд зохион байгуулсан.

Тус арга хэмжээ нь хүн бүр өөрийн эрх, үзэл бодлоо тайван замаар илэрхийлэх, хүний эрхийн боловсрол, соёлыг түгээх, уур амьсгалын өөрчлөлт болон үе тэнгийн дээрэлхэлтийн эсрэг хүүхэд, залуусын дуу хоолойг олон нийтэд бүтээлчээр хүргэхэд чиглэсэн юм.

Арга хэмжээг Монголын Хүүхдийн Зөвлөл, Монголын Скаутын Холбоо, Өсвөрийн сэтгүүлч клуб хамтран дэмжиж ажилласан юм.

Өдөрлөгийн хүрээнд оролцогчид 1,232 футболк дээр хүний эрх, үзэл бодлоо чөлөөтэй илэрхийлэх эрх, байгаль орчноо хамгаалах, үе тэнгийн дээрэлхэлтийн эсрэг уриалга, санаачилгаа бүтээлчээр илэрхийлсэн байна.

“Ярьдаг футболк-2026” арга хэмжээ нь хүний эрхийг хүндэтгэх соёлыг хүүхэд, залуусын оролцоотой үзэл бодлоо эерэг, бүтээлч хэлбэрээр илэрхийлэх ач холбогдолтой арга хэмжээ боллоо