Засгийн газрын ээлжит хуралдаанаас гаргасан шийдвэрийг ХЗДХ-ийн сайд Г.Тэмүүлэн танилцууллаа.

Тэрбээр "Орон сууцны залилантай холбоотой асуудлаар ЗГ-ын тогтоол гаргаж, залилангийн эрсдлээс сэргийлэх үүднээс цахим мэдээллийн сан байгуулахаар ажиллаж байна

"Эд хөрөнгийн улсын бүртгэлийн тухай хуульд нэмэлт өөрчлөлт оруулах тухай" хуулийн төслийг өргөн барилаа.

Улсын хэмжээнд 2178 дуусаагүй орон сууц байна. Тухайн орон сууцны захиалгын гэрээг байгуулсантай холбогдуулан залилан гарсан тохиолдол байна. Тухайн сууц бүр нэг бүртгэлтэй, нэг гэрээтэй байна. Давхардуулж захиалга хийж, залилан хийх асуудал гарахгүй. Цаашид иргэдийг энэ эрсдэлээс хамгаалах зорилгоор барилгын зураг төсөл батлагдаж, орон сууц болж өмчлөгдөн, банкны барьцаанд тавих, борлуулах зэрэг бүх харилцаанд ашиглахад нэг QR код буюу гэрчилгээтэй болгоно. Төрөөс орон сууцны залиланг таслан зогсоох зорилгоор бүх мэдээллийг ил тод болгоно. Цахим мэдээллийн санг 11-р сарын 5 гэхэд нээлттэй болгож, иргэд ашиглах боломж бүрдүүлнэ" хэмээн ярилаа.