Грекийн Ерөнхий сайд А.Ципрас тус улсын шинэ Засгийн газар Оросын эсрэг тавьсан хориг арга хэмжээний эсрэг байр суурьтай гэдгээ хэлжээ. Тэрбээр энэ арга барилыг “Хаа нэг газар хөтлөхгүй зам” гээд Оросын талаас Европын холбооны холбооны гишүүн орнуудын ХАА-н бүтээгдэхүүн импортлохыг хязгаарласан хоригийн улмаас тус улс нэлээд хохирол амсаж буйг мэдэгдсэн байна. А.Ципрас өнгөрсөн нэгдүгээр сард Ерөнхий сайд болсныхоо дараа Оростой нягт харилцаатай ажиллахын төлөө байр сууриа илэрхийлж, Грекийн өмнөх Засгийн газар Европын холбооны зааврыг сохроор дагаж, Оростой харилцагаа муутгасныг шүүмжилсэн аж.

Эх сурвалж: Unen.mn