Гэр бүлийн хүчирхийлэл нь далд хэлбэртэй, нийгэмд хамгийн их уршигт үр дагавар авчирдаг нэлээд онцлог гэмт хэрэг ажээ.  Монголд гэр бүлийн хүчирийлэлтэй тэмцэх хууль хэрэгжиж эхлээд 10 жил болж буй хэдий ч энэ төрлийн гэмт хэрэг буурахгүй, улам өсөн нэмэгдсээр байна. Судлаачдын тооцоолсноор зөвхөн сүүлийн гурван жилд гэр бүлийн хүчирхийллийн улмаас 62 хүн амиа алджээ. Иймээс гэр бүлийн хүчирхийллийн эсрэг хуулийн шинэчлэлийг яаралтай хийж, хэрэгжилтийг  хангаж ажиллах нь чухал болжээ. Энэ талаар УИХ-ын гишүүн Ц.Оюунгэрэл “Хуулийн шинэчилсэн төсөлд хариуцлагыг чангатгаж өгсөн. Энэ хуулийн төсөл нь  хүчирхийллийг үл тэвчих иргэдийн хандлага дээр тулгуурлан хийгдсэн. Дэмжиж батлах л хэрэгтэй болоод байна” гэлээ.

Б.Баяр 

Эх сурвалж: Tumen.mn