Холливудын одод гэхээр булчин шөрмөс нь зангирсан догь эрчүүд төсөөлөгддөг үү. Тэгвэл Монголын жүжигчид дунд ч Холливудын тулаант киноны оддоос дутахгүй булчинлаг, бялдар сайтай залуус цөөнгүй. Мөн жүжигчдээс гадна урлаг соёлын салбарт ажиллаж хөдөлмөрлөж буй олон залуусаас бялдар сайтайг нь сонгон та бүхэндээ толилуулж байна.
"Тусгай салааны П.Баттөр"
"Тусгай салаа" киноны Түвшингийн дүрээр олны танил болсон жүжигчин П.Баттөрийг танихгүй хүн үгүй биз ээ. Тэрбээр фитнессээр олон жил эрчимтэй хичээллэж байгаа бөгөөд уйгагүй хүч хөдөлмөр, бэлтгэлийн үр дүнд энгийн нэгэн жүжигчин залуугаас Холливудын оддоос ч дутахгүй булчинлаг залуу болон хувирчээ.
"Содура"-гийн од
Загвар өмсөгч О.Амгаланбаатар “Монгол фильм” групп, найруулагч Д.Золбаярын “Учиртай гурав” кинонд Хангай гэх залуугийн дүрд тоглосон гэдгээр нь хүмүүс анддаггүй. Тэрбээр саяхан нээлтээ хийсэн "Содура" киноны гол дүрийг амилуулж, шаггүй жүжигчин гэдгээ дахин батлаад амжсан билээ. Тэгвэл О.Амгаланбаатар загвар, киноноос гадна бялдаржуулах урлагаар чөлөөт цагаараа сонирхон хичээллэж биедээ ихэд анхаарал тавьдаг гэнэ.
А.Чингүүн
Загварын ертөнцийн сайхан бүсгүйчүүдийн нэг мисс Ч.Содтуяатай амьдралаа холбон бяцхан охины аав болсон ч төд удалгүй салсан загвар өмсөгч А.Чингүүн хоёр дахь амьдралаа хэдийнэ зохиосон.
Өдгөө “Их засаг”-ийн Д.Ням-Осорын хүргэн болж хадам ааваасаа зочид буудал бэлгэнд авч олон хүний атаархал төрүүлэм ханхүү шиг л амьдарч байгаа гэгддэг тэрээр сайхан биеээрээ гайхуулахаа больж нам гүмхэн амьдарч байгаа билээ.
200 кг-ыг шахдаг Эби
УДЭТ-ын жүжигчин Г.Эрдэнэбилэг буюу Эбиг чадварлаг жүжигчнийх нь хувиар мэдэхгүй хүн ховор. Жүжиглэхээс гадна тэрээр бодибилдингийн спортоор хичээллэдэг. Урлаг, улс төр, бизнесийн салбарынхны дунд болсон Пауэрлифтингийн тэмцээнд тэрээр хэвтээгээс 180 кг шахаж алтан медалийн эзэн болж байсан түүхтэй.
Хөдөлмөрч бас булчинлаг
Төрийн соёрхолт дуучин Д.Болд бие даасан уран бүтээлээ туурвиж эхэлснээс хойш бие бялдар, гадаад үзэмжиндээ ч ихэд анхаарах болсон. Тэрбээр 10 жилийн турш фитнессээр хичээллэсэн бөгөөд шаргуу хөдөлмөрч гэдгийг нь чанартай уран бүтээл, булчинлаг бие нь харуулах биз ээ. Мөн дээр дурдсан урлаг, улс төр, бизнесийн салбарынхны дунд болсон Пауэрлифтингийн тэмцээнд тэрээр хэвтээгээс 130 кг шахаж байлаа.
Загвар өмсөгч С.Эрдэнэцогт
Загварын сайхан залуучуудын эгнээнд урдуур жагсдаг С.Эрдэнэцогт харин хувийн амьдрал дээрээ ардуур зогсдог нэгэн. Мөн л мэргэжил нэгт загвар өмсөгч С.Төгсөөтэй олон жил үерхэж, улмаар хөөрхөн охины аав ээж болсон ч хосууд нэг л өдөр салснаа зарласан. Түүнийг тойрсон элдэв хов жив, хүүхнүүдийн паян салсан шалтгааныг энд дурдах нь илүүц биз.
Холливудад хөл тавьсан анхны монгол жүжигчин
Холливудын кинонд нэрээ мөнхөлж, дүрээ хадгалсан жүжигчин Б.Амарсайхан тун чиг сайн жүжигчин гэдгээ тоглосон бүхий л киногоороо баталдаг. Жүжигчний чадвар, царай төр, бие хаагаараа Холливудад тоогдсон жүжигчин өдгөө Зайсан дах тансаг хаустаа эхнэр хүүхдийн хамт амьдардаг аж.
Азийн топ модель О.Мөнхдалай
Охид бүсгүйчүүдийн зүрхээр нэг хэсэгтээ наадсан О.Мөнхдалай Азийн топ модель гэх өргөмжлөлтэй. Тэрээр угийн л царай зүс, бие хаа сайтай дээрээ сүүлийн үед фитнессээр эрчимтэй хичээллэх болсон. Үүнийхээ үр дүнд эрчүүдийн атаархлыг төрүүлж, хүүхнүүдийн харцыг булаасан булчинлаг биетэй болсноо "Зүрхээр наадагч кино"-гоороо зарласан. Мөн тэрээр эхнэр гурван хүүхэдтэй гэдгээ нэгэн ярилцагадаа дурдан, жаргалтай гэр бүлээ танилцуулж олон охидыг гуниглуулаад амжжээ.
"Богд" Ч.Болд
"Боолын гэрээ" "Надтай гэрлээч" "Мөрдөгч", "Богд хаан" зэрэг киногоор нь та бид сайн мэдэх жүжигчин Ч.Болд олны нүдэнд өртөж, хэл амны бай болж хэвлэлээр бичигдээд байдаггүй даруухан нэгэн. Гэсэн ч тэрээр цээж нүцгэлж сайхан биеээ гайхуулсан Монголын урлаг соёлын залуусын тоонд зүй ёсоор багтжээ. Тодруулбал, тоглосон хоёр гурван кинондоо "боди" биеэ гайхуулсан байдгийг сануулахад илүүц биз.
Б.Гэрлээ
Эх сурвалж: Bataar.mn
