МN25 дугаар суваг телевизийн “21000” реалити шоу нэвтрүүлгийн энэ удаагийн дугаарт СТА дуучин Г.Эрдэнэтунгалаг, жүжигчин Б.Навчаа нар өрсөлдөж байгаа. Энэ удаагийн шоу нэвтрүүлгийг үзэгчид нэлээдгүй шүүмжлжлтэй хандаж байгаа. 21 мянган төгрөгөөр 10 хоног хэрхэн амьдрах тухай харуулахыг хичээсэн эл нэвтрүүлэг утгаа алдаж дуучин Г.Эрдэнэтунгалаг худалдааны төвөөр орохдоо 500-100 төгрөгөөр төвөггүйхэн 20-30 мянгын бараа аваад гардаг. Үүнийг үзэгчид ихээхэн шүүмжлээд байгаа бөгөөд харин жүжигчин Б.Навчаа саяхны нэгэн дугаарт хэлсэн үгэндээ олны дургүйцлийг хүргэж ихээхэн шүүмжлэлд өртлөө. Тэрээр “Хөргөгчөөр нь нэг сэмж, нэг муу уушгихан гэдэг шиг. Тэр бол ядуу сэтгэлгээ л дээ. Хүн ядуу байлаа гээд гэдэс дотор авч идэх ёстой биш” хэмээн хэлсэн нь шуугиан тариад авсан. Тэгвэл шүүмжлэлээр даруулж олны амны бай болоод байгаа Б.Навчаа цахим хуудсаараа олон нийтээс уучлал хүсчээ.

Эх сурвалж: Шуурхай.мн