Монголын Зэвсэгт хүчний  удирдах бүрэлдэхүүнд генерал цолтон ажиллах болсноос хойш  71 жил өнгөрчээ. Анх 1944 оны 4 дүгээр сарын 28-нд  Сайд нарын зөвлөлийн тогтоолоор 11 хүнд генерал цол олгосон юм. Энэ цагаас өнөөдрийг хүртэл 163 хүн генерал цол зүүсэн байна. Энэхүү ойн өдрийг тохиолдуулан  УИХ-ын дарга З.Энхболд генералууддаа хүндэтгэл үзүүллээ.  Энэ үеэр  тэр хэлсэн үгэндээ  “Монголын үе үеийн алтан мөрдөстнүүд ахмад үеийнхээ уламжлалыг хадгалж, эгэл  цэрэг дайчидтайгаа бие, сэтгэлээрээ ямагт хамт байж, тэднийг эцэг, эхийн ёсоор халамжлан сургаж, аюулгүй орчинд үүргээ нэр төртэй биелүүлэх, өсөж хөгжих нөхцөл, боломжоор хангахын төлөө зүтгэж байна. Шинэ үеийн генералууд монголын Зэвсэгт хүчин төдийгүй НҮБ-ийн энхийг дэмжих олон улсын цэргийн хүчийг командлан оролцож, эх орон, зэвсэгт хүчнийхээ итгэл найдварыг нэр төртэй биелүүлж байгаад баяртай байна” гэлээ.

Б.Баяр 

Эх сурвалж: Tumen.mn