Ихэвчлэн хип хопчид, реппер залуустай хамтран дуулах дуртай, ямартаа л нэг хэсэг “Дахилт Хишгээ” гэх хоч зүүгээд байсан дуучин А.Хишигдалай ээлжит энэ нэрэндээ их дургүй. Тиймдээ ч, сүүлийн үед бие даасан уран бүтээлээрээ сонсогч фэнүүдээ уяраахыг илүүд үзсэн авьяаслаг бүсгүй маань “Universe best of songs” наадмын шилдгүүдийг тэргүүлж хэн болохоо харуулаад авсан билээ.
Үерхдэг залуугаараа “Опозит” хамтлагийн дуучин А.Гантулгыг сонгоод удаж буй А.Хишигдалай энэ удаад уран бүтээлийнхээ хамтрагчаар дуучин Ч.Цэлмүүнийг “онилсон” бололтой. Дуу бичлэгийн студид хонон өнжих нь холгүй ажиллаж буй дуучин бүсгүйчүүдийн хамтарсан уран бүтээл тун удахгүй үзэгч сонсогчдод нь хүрэх биз ээ. Ч.Цэлмүүнтэй хамтарч ажиллан уран бүтээлээс гадна дотны анд нөхөр болоод байгаа А.Хишигдалай ч энэхүү сонголтондоо ихэд сэтгэл хангалуун байгаагаа албан ёсоор “зарлажээ”.
Б.Содон
