2014 оны 4-р сараас эхлэн Украин болон ОХУ-ын салан тусгаарлагчдын дунд зөрчил мөргөлдөөн үүсээд байгаа билээ. Үүнээс үүдэн ОХУ-д дэлхийн олон улс эдийн засгийн хориг арга хэмжээ авч, Украин ч эдийн засгийн хувьд уналтад ороод байгаа.

Тиймээс Украины эдийн засгийг сэргээхэд тусалж АНУ 1 тэрбум долларын зээлийн батлан даалтын гэрээг үзэглэсэн талаар “USA Today” агентлаг мэдээллээ. Өнгөрсөн жил ч хоёр тал мөн ийм төрлийн гэрээнд гарын үсэг зурж байсан. Украины сангийн сайдын мэдээлснээр энэхүү гэрээ нь Украиныг дэмжих 7,5 тэрбум долларын нэгээхэн хэсэг нь гэжээ.

Хямралын энэ үед Украины өр ойролцоогоор ДНБ-ий 100%-д хүрээд байгаа бөгөөд өнгөрсөн жилийн эхний улиралтай харьцуулахад эдийн засаг нь 17,6%-иар унажээ.

О.Мөнхдуулга