Стиль, имиж, моод сайхан харагдах гээд ярихаар бид хамгийн түрүүн гадуур хувцсандаа л анхаарал тавьдаг. Харин хэний ч нүдэнд өртдөггүй дотуур хувцсыг үл тоомсорлодог нь буруу зүйл гэнэ. Яагаад гэхээр дотуур хувцас гадаад өнгө үзэмжний үндэс суурь болж өгдөг гэнэ шүү. Бүсгүй та оюутан цагийнхаа шоортон дотоож, хатуулгагүй хөхний даруулгаасаа салаагүй байна уу. Тэгвэл хэрхэн тансаг бас биед эвтэйхэн дотуур хувцас сонгох аргыг танд зааж өгъе.
Танд дор хаяж нэг хос тансаг хослол байх ёстой Голдуу янз бүрийн өнгийн салангид хөхний даруулга, дотоож өмсдөг байлаа ч онцгой тохиолдолд зориулсан эсвэл зүгээр л үе үе өөрийгөө баярлуулахын тулд өмсөх ганц гоёмсог хослол аваарай. Өмнө нь өмсөхөөс эсвэл авахаас айдаг байсан зүйлийг худалдан ав. Тэгээд ч гоёмсог дотуур хувцас өмссөн эмэгтэй өөртөө илүү итгэлтэй болдог нь батлагдсан
Хувцасны цаанаас дотоожны оёдол, хөхний даруулганы мөр товойж цухуйх ёсгүй Та унхиагүй, бас бүдүүн харагдах аюултай үүнээс гадна дотуур хувцас бариу бол биений тань өөг улам тодосгоно
Хөхний даруулга сонгохдоо зөвхөн гадаад үзэмжийг нь анхаараад зогсохгүй өөрийнхөө хэмжээнд тааруулж сонгоорой Жижигхэн хөхтэй бүсгүйчүүд хэтэрхий дээш өргөдөг даруулга сонгох хэрэггүй харин том хөхтэй бүсгүйчүүд хөхийг аль болохоор сайн хаасан аяга томтой бас сайн өргөдөг даруулга сонгоорой
Дотуур хувцсаа зөв арчилж угаах хэрэгтэй Дотуур хyвцасыг голдуу нимгэн эмзэг даавуугаар хийдэг тул онцгой арчилгаа шаарддаг. Нэг хөхний даруулгаа хэдэн өдөр дараалан зүүлгүй ээлжилж бай. Гараар угаах юм уу эсвэл, угаалгын машиныхаа зохих тохируулгыг нь тааруулж байгаад угаахын зэрэгцээ хэзээ ч бүү машинд хатаа.
Хуучин хувцсаа харамсалгүй хая Yе үе шүүгээндээ шалгалт хийж сунасан, агшсан эд зүйлсээсээ сал.
Биений өнгөтэй хөхний даруулга танд заавал байх ёстой Зуны цагт хар бараан өнгийн хөхний даруулга зүүх нь хөхний хорт хавдарыг үүсэх шалтгаан болдог гэдгийг та лав сонссон байх.
Мөрийг нь янз бүрээр сольж болдог даруулга тун ашигтай эд Мөрийг нь аваад зүүж болно, эсвэл хүзүүгээр ороодог мөртэй болгох зүгээр хувцсандаа тохируулан яаж л бол яаж өөрчилж болдог.
Эцэст нь хэлэхэд : дотуур хувцсаа зөв сонгох нь гадуур хувцас сонгохоос дутахгүй чухал. Зөв сонгосон дотуур хувцас биений өөг далдаж бас гоо сайхныг тодотгодог. Хамгийн гол нь өөрийнхөө хэмжээнд тааруулан сонгох. Бас дотуур хувцасны өнгө эзэгтэйнхээ сэтгэл санааны байдалд нөлөөлдөг гэнэ. Бор царайтай эмэгтэйд ягаан, номин цэнхэр, нил ягаан өнгө тохиромжтой байдаг бол цайвар царайтай хүүхнүүдэд ууссан завсарын гэгээлэг өнгийн дотуур хувцас тохирдог аж. Мөн хар, цагаан өнгийн дотуур хувцас бүгдэд тохирдог гэнэ.
