Монгол Улсын Ерөнхийлөгч Ц.Элбэгдорж 2011 онд Швейцари Улсад айлчлах үеэрээ Олон Улсын Хөлбөмбөгийн Холбооны Ерөнхийлөгч Зепп Блаттертэй уулзаж “Хэзээ нэгэн цагт манай оронд дэлхийн хөлбөмбөгийн аварга шалгаруулах тэмцээн зохиогдоно гэдэгт би итгэдэг. Иймд 2027, 2031, 2035 оны Азийн хөлбөмбөгийн аварга шалгаруулах тэмцээн, 2042, 2046, 2050 оны дэлхийн хөлбөмбөгийн аварга шалгаруулах тэмцээний эрхийг авахын төлөө Монгол Улс өрсөлдөх болно” гэдгээ мэдэгдсэн аж.
Зепп Блаттер Монгол Улсын Ерөнхийлөгчийн хэзээ нэгэн цагт эх орондоо хөлбөмбөгийн дэлхийн аварга шалгаруулах тэмцээн болно гэдэгт итгэлтэй байгааг нь сайшаагаад “Та өөрийнхөө үеийн төлөө биш, өөрийнхөө дараагийн үеийн төлөө ч биш, өөрийнхөө дараагийн дараагийн үеийн төлөө ийм алсыг харсан том хүсэл эрмэлзэлтэй байгаа нь гайхалтай сайхан санагдаж байна" гээд мөрөөдлийн гэрээнд гарын үсэг зуржээ.
