Монгол Улсын Засгийн газрын тогтоол, нийслэлийн Засаг даргын захирамжаар “Найрсаг Улаанбаатар” хөтөлбөрийн хүрээнд “Улаанбаатар - Марафон 2015” олон улсын гүйлтийг өнөөдөр зохион байгуулж байна.

Энэхүү гүйлт мэргэжлийн тамирчдын дунд бүтэн болон хагас марафон төрлөөр, сонирхогчдын дунд 10 км, 5 км, 1500 метр гэсэн гурван ангилалд болж байна.

Тэмцээний 42 км-ийн зайн эрэгтэйчүүдийн төрөлд МУГТ, Б.Сэр-Од түрүүллээ. Түүний хувьд арын тамирчнаа 1 км зайд орхисон хурдтайгаар гүйсээр ийнхүү түрүүллээ. Харин эмэгтэйчүүдийн төрөлд ОУХМ Б.Мөнхзаяа түрүүллээ. Сүүлийн тамирчид одоо бариандаа орж байна

Тэмцээд 16 орны тамирчид оролцож байгаа юм. Тодруулбал, БНХАУ, ОХУ-ын Халимаг зэрэг олон улсын тамирчид гээд нийтдээ 20 мянга гаруй хүн оролцож байгаагийн дунд хөгжлийн бэрхшээлтэй иргэд (тэргэнцэртэй, хараагүй) буй.

Өнөөдөр "Автомашингүй өдөр" бөгөөд төв замыг орой 18.00 цаг хүртэл хаана.