2009 онд “Хайрлаж болох уу” кинонд тоглож, олонд танигдсан жүжигчин П.Шүүдэрцэцэг үргэлж л олны анхаарлын төвд байдаг. Сошиал ертөнцийн идэвхтэй хэрэглэгч тэрбээр хэл аманд ч их өртдөг. 

Хамгийн сүүлд гэхэд л хувцасны хэрүүлээс болж элдвээр хэлүүлээд хүртэл амжсан. Тэгвэл тэрбээр саяхан “Учиртай урилга” нэвтрүүлэгт оролцож, зарим зүйлийн талаар ярьжээ. 
 

Залуу жүжигчин бүсгүй хагас нүцгэн буюу бикинитэй зураг авахуулыг буруу гэж боддоггүй гэдгээ илэрхийлсэн юм. Мөн нүцгэн зургаа ч авахуулах нь буруу зүйл биш аж, түүнийхээр. Гэхдээ олон нийтэд дэлгэх нь буруу гэж боддог ажээ. 

Ер нь бол жүжигчин П.Шүүдэрцэцэг бикинитэй зургаа авахуулж, олонд цацсан байдаг. Харин одоо бүрэн нүцгэлсэн зургаа авахуулж, хадгалахыг бодож явдаг юм байна. Учир нь залуу насны гоо үзэсгэлэн гэдэг нэгэн цагийн зүйл болохоор хадгалж үлдээх нь зөв гэж үздэг ажээ. 

Мөн тэрбээр эротик кинонд хэзээ ч тоглохгүй гэдгээ ам бардам амалж байгаагаа хэлсэн юм. Учир нь найз залуу нь түүнийг эротик кинонд тоглохыг эсэргүүцдэг аж. 

Тиймээс найз залуугийнхаа хүслийг хүндэтгэж үзэж байгаа нь тэр юм байна. Ер нь бол П.Шүүдэрцэцэгт эротик кинонд тоглооч гэсэн хүсэлт маш ихээр ирж байсан гэнэ. Гэхдээ нэгэнд нь ч зөвшөөрч байгаагүй ажээ.Цаашид ч зөвшөөрөхгүй гэдгээ нэвтрүүлэгт оролцохдоо хэлсэн юм.