Зуны нэгэн нартай єдєр Vндэсний цэцэрлэгт хvрээлэнг зорилоо. Цэцэрлэгт хvрээлэнгийн vvдэнд багширсан хvмvvс “Цэцэг авах уу?” гэж уралдан асуусаар угтав. Цэцэрлэгт хvрээлэнгийн цаад захаас хєгжим эгшиглэх нь бvдэг сонсогдох бєгєєд сайн харвал дvрэмт хувцастай хvмvvс жагссан байв. Энд тэнд дvрэмт хувцастай хvмvvс хамаатан садан, найз нєхєдтэйгээ зургаа авахуулж харагдана. Цэцэг, бэлэг дурсгалын зvйлс барьсан хvмvvс яаралдан цэцэрлэгт хvрээлэнгийн нєгєє зах руу явж байв. Би ч яарсаар ёслолын vйл ажиллагаа єрнєх газар руу алхлаа.
Vйл ажиллагаа болж буй газрын ойр хавьд хар хослол ємссєн залуус олны хєл хєдєлгєєнийг зохицуулж, ойр орчмын байдлыг ажиглан зогсож байв. Тєгсєгчид жагссан талбай руу дєхєж очиход vр хvvхэд, найз нєхдєдєє баярын мэнд хvргэхээр ирсэн хvмvvс талбайг хашсан хашлагыг тойрон зай завсаргvй зогсжээ. Ёслолын vйл ажиллагаанд зориулж, хоёр дэлгэц байршуулсан байх бєгєєд тvvгээр нь Хууль сахиулахын их сургуулийн хvндэтгэлд зориулсан бичлэг гарч, сургуулийн сvлд дуу эгшиглэнэ. 

Тєгсєгчид цагдаа, хил хамгаалах, онцгой байдлынх гээд бvгд єєр єєр дvрэмт хувцастай байх бєгєєд талбайг гурван талаас нь хашин жагсжээ. Тэд ёслолын vйл ажиллагааг хvлээн номхон зогсохыг харахад дэг журам, сахилга батыг чанд сахидаг нь мэдрэгдэв. Миний ємнєх ширээн дээр диплом, ромбо, мєрдэснvvд єржээ. Ширээ бvрийн ард гурав гурван тєгсєгч зогсоосон байх бєгєєд тэд ёслолын vйл ажиллагааг тэсэн ядан хvлээж буй нь илт. Цаанаас нэгэн цагдаагийн хувцастай хvн тэдэн рvv ирж “Одоо энэ хvнийг vгээ хэлээд дуусахаар ширээнvvдээ аваачна шvv, тэгээд гадаадын элч тєлєєлєгчдийг урьж байна гэхээр нь байрандаа гvйгээд ирээрэй” гэв. Тэр хvнийг дvрсэлбэл 40 шахаж яваа болов уу гэмээр, хєрслєг бор царайтай, єндєр, нуруулаг. Тvvний хvvхдvvддээ зєвлєж, тэдэнтэй ярьж байгаа нь их л дотно байх бєгєєд залуустай энгийн наргианч яриа єрнvvлэнгээ малгай хувцсыг нь янзалж єгєх нь тун содон харагдлаа. Тэр хvний харц нь шавиа харж буй багш гэхээсээ илvv хvvхдээ харж буй эцэг шиг ажээ. Тvvний ярианаас хоёр хоног харилгvй ажилласан гэхийг сонсоод диплом гардуулах ёслолд олон хvн дайчлагдаж, маш хариуцлагатайгаар бэлддэг юм байна гэсэн сэтгэгдэл тєрєв. Vнэхээр л Хууль сахиулахын их сургуулийн хонхны баяр бусад сургуулийнхаас єєр, диплом гардуулах ёслолын vйл ажиллагаанд маш сайн бэлтгэж, vйл ажиллагаа зохион байгуулалт сайтай єрнєж, бvгд дэг журмыг сахих бєгєєд бvх зvйл командын дагуу явагдах ажээ. 
Эргэн тойронд хvмvvс нэмэгдсээр нэг л мэдэхэд хєдлєх ч зайгvй болжээ. Хvvхдээ диплом гардахыг харах гэсэн эцэг эхчvvд, эмээ євєє нар, найздаа баяр хvргэхээр цугласан залуус бvгд л амьдралынх нь мартагдашгvй нэгэн мєчийг хальсанд мєнхлєхєєр энд тэндээс гэрэл зургийн аппарат “тачигнуулна”. Ингээд сургуулийн захиргаа болон хvндэт зочид vг хэлж, тєгсєгчдєд баяр хvргэсний дараа диплом гардуулах vйл ажиллагаа эхэллээ. Тэд диплом, ромбо, мєрдэсээ гардаж аваад ёсолж “Монгол улсын тєлєє зvтгэе!” хэмээсээр нэг нэгээрээ жагсаалдаа орж байв. Энэ vгийг зарим нь цог золбоотойгоор, зарим нь намбалаг намуухнаар хэлэх боловч тэдний царайд баяр хєєрєєр дvvрэн нэг л єнгє тодрох аж. Тэднийг ажиглан зогстол миний хажууханд цагдаагийн дvрэмт хувцас ємссєн бяцхан жаал урагш зvтгэсээр орж ирээд газраар нэг юм хайж гарлаа. Ээж нь сандарсаар хvрч ирээд “Миний хvv наадхаараа хариад тогло, одоо томоотой зогсож бай. За юу?” гэсээр хvvг дагуулан хvмvvсийн дунд орон алга боллоо. Тэнд хvvхдээ дагуулж ирсэн хvмvvс их байх бєгєєд хvvхдvvд нь ийш тийш гvйлдэж, ээж ааваасаа чихэр боов нэхэж, цэцэрлэгт хvрээлэнд ирснээ мэдэхээс биш чухам юу болж буйг ухаарах ч сєхєєгvй тоглож байв. 

Vд дунд болж, нар яг дээрээс шарж эхлэхэд ёслолын ажиллагаа дундаа орж байв. Тэсэхийн аргагvй халуун болж, хvмvvсийн тэвчээр алдагдаж, зарим нь бухимдаж байгаа нь ч анзаарагдав. Харин дvрэмт хувцастай тєгсєгчид халууныг ажрах ч vгvй номхон зогссоор л. Тэдний тэвчээр, сахилга батыг гайхаж зогстол гэнэт миний хажууд зай гарч нэгэн залуу тэргэнцэрт суулгасан хvнийг тvрсээр ирж зогсов. Тэр хvнийг єндийн байж диплом гардаж буй хvvхдvvдийн зvг харахад хvvхдээ харж чадаж байгаа болов уу хэмээн санаа зовнилоо. Болдогсон бол бvр урагшаа аваачих юмсан хэмээн дотроо бодов. Гэвч тэнд цугласан хvмvvс бvгд л хvvхдээ харахыг хvсэх тул урагшаа тэмvvлж, байраа алдчихгvйг хичээнэ. Хvvхдээ сургуулиа амжилттай тєгсєхийг харж буй эцэг эх, эмээ євєє нарын харц бахархал, хайраар дvvрэн байх аж. Тэднийг харахад сэтгэл нэг л сайхан болоод ємнєєс нь санаа амрах шиг боллоо.

Эх сурвалж: