Амьдрал эрээн бараанаар дүүрэн. Хайр халамж, эр нөхрийн түшгийг бүсгүй хүн бүр хүсдэг ч бүх зүйл санасраан болохгүй байх нь ч бий. Энэ удаа олны танил ганц бие ээжүүдийг танилцуулж байна. Тэд амьдралын их ачааг нуруун дээрээ үүрч, үр хүүхдээ сайн сайхан өсгөж, бас урлаг соёлд өөрсдийнхөө намтрын хуудсыг бичиж яваа авьяаслаг, царайлаг ээжүүд...

Э.Одгэрэл ганц бие ээжийн амтьдралаас залхаж байна
Мөнхийн залуу гэгддэг топ модель бүсгүй 20 гаруй жил ганц бие ээжийн амьдралаар амьдарсан. Арван жилийн ширээнээс салмагц, анхны нөхөртэйгөө учирч, айл гэрийн эзэгтэй болж байсан тэрбээр гэргийн амьдралаасаа тун ч хурдан залхсан.  Тиймдээ өнөөдрийг хүртэл охинтойгоо амьдарч, өөр хэн нэгэн эр хүнд зориулах цаг зав, сэтгэл байхгүй гэдгээ ярилцлага бүрдээ дурьддаг гэхэд хилсдэхгүй. Харин өдгөө 50 хүрч байгаа топ маань тун удахгүй шинэ амьдрал эхлүүлэхээр бэлтгэж байгаа гэнэ шүү. Хоол хийх нь байтугай цай ч чанаж чаддаггүй, хар кофи, цэвэр усаар л “ундаалдаг” тэрбээр хадамд гарахаасаа өмнө хоол, цай, гэрийн ажилд суралцахаар багш хүртэл хөлслөөд байгаа сурагтай. Энэ тухайгаа өөрийн цахим хуудсандаа бичсэн ч хэн гээч азтай залуугийн мөрийг түших гэж байгаа нь одоог хүртэл нууц хэвээр байгаа юм. Ямартаа ч өнөөдрийг хүртэл ганц бие явсан түүний амьдралын хэв маягийг өөрчилж, “хэн ч багтахгүй орон зайд” нь нэвтэрч чадсан тэр эрхэмд баяр хүргье.

Зууны манлай дуучин Сарантуяа
Поп дива Б.Сарантуяагийн том хүү “Орчлон” сургуулийн ахлах ангид суралцдаг. Түүний аав  Л.Болдхуягтай анхны амьдралаа холбож байсан гавьяат маань өдгөө гурван хүүхдийн ээж болсон. Гэхдээ одоог хүртэл ганц бие амьдарч байгаагаа “Би хайраас амархан уйддаг болохоор хэн нэгэнтэй удаан амьдарч чаддаггүй” хэмээн тайлбарладаг.  Анхны амьдрал нь бүтэлгүйтсэнээс хойш олон ч эртэй нэр холбогдож байснаас ил болсон нь бага охиных нь аав Хөвсгөл аймгийн бизнесмэн залуу. Тэрээр нас барсан дүүгийнхээ охиныг өөрийнхөө хоёр хүүхэдтэй хамт өсгөж, уран бүтээлээ тууривсаар яваа.

Мисс Содтуяа
Дуучин Э.Бат-Эрдэнийн “Онцгой төрсөн бүсгүй” дууны эзэн Монголын сайхан бүсгүйчүүдийн нэг мисс Содтуяа ээж болж, эхнэр хүний үүрэг хүлээх болсон ч анхны амьдралдаа цэг тавьсан. Тэрээр загвар өмсөгч Чингүүнээс салснаа хэвлэлээр албан ёсоор зарлаж, багагүй дуулиан тарьж байлаа. Харин мисс бүсгүйгээс салж, бяцхан охиноо орхиод явсан Чингүүн өдгөө Их засаг их сургуулийн Захирал Ням-Осорын охинтой шинэ амьдрал зохиогоод байгаа.  Мисс Содтуяа ганцаараа охиноо өсгөж, загварын агентлагаа удирдаж, багшилж,  басхүү элдэв хэл амнаас ангид амьдарч явна.

Дуучин Нара
Гал цогтой дуучин бүсгүй Нара өнгөрсөн жил амаржиж хүүтэй болсон. Олны анхаарлыг татдаг дуучин бүсгүй маань саяхан нэгэн нэвтрүүлэгт орохдоо ганц бие ээж гэдгээ зарлаж, амьдралынхаа тухай бодит үнэнийг ярьж олон фенүүдийнхээ сэтгэлийн хөдөлгөж чадсан.  Тэгвэл тэрбээр өнөөдөр ганцаараа хүүхдээ өсгөж, өрх толгойлж яваа ээжүүддээ зориулж  фэйсбүүк групп нээжээ. Уг группээрээ өрх толгойлсон ганц бие ээжүүдийг дэмжих, урам зориг өгөх мөн ижил асуудалтай бүсгүйчүүдийнхээ тулгамдсан асуудлыг судлан тэр талаархи асуудлыг нийгэмд дуу хоолойг хүргэхийг зорьсон гэнэ.  Энэ тухайн тэрбээр "Ганц бие ээж байна гэдэг үүрдийн асуудал ч юмуу эсвэл бусдаас ичих шалтгаан биш бөгөөд харин ч 2 хүний хамтран үүрэх ёстой үүрэг хариуцлагыг ганцаараа авч явж байгаа бахархууштай эмэгтэй гэж бодож байна. Группд эрчүүдийг үзэн ядах үзэлийг хөгжөөх дэмжих явдал огт байхгүй бөгөөд нэгэнтээ ганц бие болсон ээжүүдээ өөдрөг хүчтэй байхыг уриалсан шинж чанартай байх болно" хэмээн бичжээ.

Дуучин Мино
Дамбын Хишгээгийн хүү Х.Энхжинтэй гэр бүл болж, сүр дуулиантай хурим найр хийсэн ч хэдхэн сарын настай хамтын амьдралдаа цэг тавьсандаа дуучин Мино ихэд баярладаг гэж ярьж байсан удаатай. Нэг хэсэгтээ л ганц бие явсан дуучин бүсгүй өнгөрсөн жил хүүтэй болсон бөгөөд ганц бие ээж гэдгээ тунхаглан зарлажээ. 

Түүний хувьд баян эрийн хүүхдийг төрүүлсэн гэх мэдээлэл байсан ч үүнийгээ үгүйсгэж, хүүгийнхээ эцгийг ямар хүн байдаг талаар ам нээхийг хүсээгүй юм. Тэрбээр “Хүү минь удахгүй ой хүрлээ. Хүний амьдралд бүх зүйл ээлжтэй байдаг гэдэгт итгэдэг. Бүхнийг өөдрөгөөр харж, цог золбоотой яваарай. Удахгүй хүүгээ хөтлөөд явахыг хүлээж суугаа жирийн нэгэн ээж би байна” гэж цахим хуудсандаа бичжээ. 
 

Жүжигчин Навчаа
“Хэцүү анги” олон ангит киноноо хойш олны танил болж, үзэгчдийн хайртай жүжигчин болсон Б.Навчаа ааштай авгайн дүрийн мастер. Харин “Лардьма”  киногоороо тэсрэлт хийсэн түүнийг хувийн амьдралаасаа сэдэвлэн уг киног бүтээж хэмээж байсан.Тэгвэл жүжигчин бүсгүйн анхны нөхөр нь одоог хүртэл зовоодог талаар илэн далангуй ярьсан байдаг. Учир нь өрх тусгаарлаад удаж байгаа хэрнээ салж өгөхгүй  машин тэрэгнийх нь цонхыг хагалж, гэрт нь орж хулгай хүртэл хийсэн нөхөртөө гомдож бас хорсож явдаг бололтой. Баян гадаад эрээр ивээн тэтгүүлдэг хэмээн цуурхалд өртсөн галзуу Навчаа  хүнтэй гэрлэх бодолгүй байгаа гэнэ.

Жүжигчин Ш.Жавхлан
Жүжигчин Ш.Жавхлан хошин урлагийн “Маск продакш”-нд олон жил ажиллаж байгаа. Тэрээр оюутан ахуй насандаа жүжигчин, дуу оруулагч Н.Ялалттай анхны амьдралаа эхлүүлж байжээ. Хөөрхөн нүд, эгдүүтэй инээдээрээ үзэгчдийн танил болсон Ш.Жавхлан хөөрхөн хүүтэй болсон ч жүжигчин залуутай удаан хамт амьдраагүй гэдэг. Харин хүүгээ байнга аавтай нь уулзуулж, холбоотой байлгадаг жүжигчин бүсгүй хүнтэй гэрлээгүй л явна.

 

Жүжигчин Ч.Ундрал
Жүжигчин, дуучин,хөтлөгч гээд салбар бүрт өөрийгөө сорьж хөдөлмөрлөж яваа Ч.Ундрал ганц бие ээж болсон. “Hero”-гийн Ч.Ундрал найруулагч Баатараас салж хэсэг хугацаанд хүний нутагт ажиллаж, амьдарч байгаад эх орондоо ирсэн. Ирсэн даруйдаа ажилдаа эргэн орж өөрийн гэсэн сургалтын газрыг нээсэн тэрээр хүнтэй гэрлэх завгүй явна.

 

Дуучин Сэрчмаа
“Хайрын дууч” хэмээн өргөмжлөгдөж байсан дуучин бүсгүй нэг л өдөр Өвөрмонгол хүнтэй суулаа хэмээн шуугиан тарьсан. Хөл хөөртэй их найр хийж ,гэр бүл болсноо зарласан ч тэдний гэрлэлт мөн л бүтэлгүйтсэн. Дуучин бүсгүй “бидний гэрлэлт зөвхөн хайран дээр тогтдог” гэж ам бардам ярьж байсан ч Хураа хэмээх хөөрхөн охиноо дагуулан нутагтаа бүр мөсөн иржээ ирсэн. Тэрээр “Sally” хэмээх хувийн студиээ байгуулж, хөөрхөн охинтойгоо амьдарч байгаа.

Жүжигчин Отгонжаргал
Монголын хатдын тухай хоёр дахь томоохон кино түүхэн уран сайхны кино “Ану хатан” киноны гол дүрд тоглосон “Voice” группын дуучин Д.Отгонжаргалын анхны амьдрал мөн л нь бүтээгүй. Тэрээр нэгэн хэвлэлд “Би маш сайхан хайртай учирч байсан. Миний амьдралын нэгэн аз жаргалтай мөчүүдийн нэг нь тэр үе байлаа. Одоо дурсамж болон үлдэж. Гэхдээ сэтгэл зүрхэнд минь тэр хайр гэрэл асаан байсаар л байх болно. Миний охин хайрын минь баталгаа” хэмээн ярьж байжээ. Ээж,охины хамт амьдардаг, авьяаслаг, царайлаг ганц бие бүсгүй дуучин бүсгүй амьдралынхаа ханьтай учраагүй байгаа бололтой.

Дуучин Эрдэнэтунгалаг
Нэгэн цагт Улсын начин Сэр-Одтой амьдрал холбож явсан дуучин бүсгүй мөн л  амьдралаа хоёр тийш болгож, охинтойгоо үлдсэн. Анхны нөхөртөө зориулан “Хайрлаарай” хэмээх дуу дуулсан нь хайр сэтгэлийн шархаа дуу болгосон гэдэг. Хосуудын хамтын амьдрал төдийлөн удаан үргэлжлээгүй ч хөөрхөн охины аав, ээж болсон тэд хэвлэлээр багагүй “дайтсан” ч тэгсхийгээд хоёр тийш болцгоосон.

Дуучин Агиймаа
Рок попын урлагт өөрийн гэсэн өнгө төрх, хүчтэй хоолойгоор тодрон гарч ирээд байсан Э.Агиймаа харьцангуй чимээ багатай байх болсон. Хааяа нэг кино жүжгийн дуу дуулж байгааг нь эс тооцвол бараг юм хийхээ больсон гэхэд болно. Дуучин бүсгүйн хувьд уран бүтээлээсээ ийн хагас завсарлага авах болсны учир нь хувь амдралдаа илүүтэй анхаарч, айл гэрийн эзэгтэй, хөөрхөн хүүгийн ээж болсон явдал юм. Гэхдээ түүний гэр бүлээсээ саллаа гэх мэдээлэл гараад байсан. Тэгвэл түүний нөхөр тэрхүү мэдээллийг бататгасан постыг өөрийн фэйсбүүктээ бичжээ. Тэрбээр “Зарим хүмүүс хэзээ ч ухаан орохгүй юм даа. Айл гэрийн амгалан тайван байдлыг дахин алдагдуулах юм бол булхай булчин хоёрыг  чинь тоочоод сэжигтнээр татуулаад эмэгтэйчүүдийн хорих анги гэдэг гэр лүү чинь найз нартай чинь явуулна шүү” хэмээн бичсэнийхээ араас дахин нэмж " Эхнэрээс минь заавал салгах хүсэл чинь биеллээ" хэмээн нэгэн бүсгүйн зургийг нийтэлсэн нь, өнөөх хүүхний магнат гэх шинэ тодотголтой болсон “алтны магнат”  Ц.Мянганбаяртай нэг хэсэг  нэр холбогдож байсан бүсгүйн зураг байв.

Эх сурвалж: Shudarga.mn