УИХ-ын ээлжит бус чуулганаар дөнгөж сая Сангийн сайдад нэр дэвшигч Б.Болорыг томилох асуудлыг хэлэлцэн шийдвэрлэлээ.

Байнгын хорооноос оруулж ирсэн Сангийн сайдаар Б.Болорыг томилуулах саналаар санал хураахад хуралд оролцсон гишүүдийн 91.9 хувь дэмжлээ. Ингэснээр түүнийг Сангийн сайдаар томилж байгаа юм.

Мөн Ерөнхий сайд чуулганы хуралдаанаас чөлөө авсан юм. Учир нь тэрбээр, өнөөдөр 18.00 цагийн онгоцоор БНХАУ-ыг зорих ёстой. Ерөнхий сайд өмнөд хөршид Дэлхийн эдийн засгийн зуны форумд оролцоно. БНХАУ-ын Төрийн зөвлөлийн Ерөнхий сайд Ли Көцяньтай уулзах уулзалтыг мөн товлосон байгаа.

Г.Ган