“Аль-Каида” алан хядах байгууллагаас эрхлэн гаргадаг“Inspire” сэтгүүлд АНУ-ын нэрт нийгмийн зүтгэлтнүүд болон бизнесмэнүүдэд халдахыг уриалсан нийтлэл гарчээ. Тухайлбал, уг жагсаалтад “Майкрософт” компанийг үндэслэгч Билл Гейтс, Уоррен Баффет, Чарльз болон Дэвид Кох, Нью-Йорк хотын захирагч асан Майкл Блүүмберг нар орсныг тус улсын “NBC News” сувгаас мэдээлсэн байна. Бизнесмэнүүд Америкийн банкнууд дахь данснаасаа мөнгөө авч, бусад улс оронд хөрөнгө оруулсан тохиолдолд тэднийг уг жагсаалтаас хасна гэдгийг нийтлэлд өгүүлжээ. Мөн тэднийг Израйлийг дэмжихээ зогсоохыг шаардсан аж. Сэтгүүлийг есөн сарын 11-ний үйл явдлын ойгоос хоёр өдрийн өмнө хэвлэжээ. Аль-Кайда бүлэглэлийнхэн Африк гаралтай америкчуудад хандан хавчлага шударга бус байдалтай тэмцэхийн тулд тус байгууллагад нэгдэхийг уриалсан байна. “Inspire” сэтгүүлийг 2010 оноос хойш англи хэлээр нийтэлж буй юм. Сэтгүүлд“Ээжийнхээ гал зууханд тэсрэх бөмбөг бие даан хийх арга” гэх мэт нийтлэл тавьдгаараа зартай юм. Бостоны марафоны үеэр бөмбөг дэлбэлсэн Жохар Царнаев сэтгүүлд гарсан зааврын дагуу ус буцалгагч ашиглан Тамелан ахынхаа хамт тэсрэх бөмбөг хийсэн гэдгээ мөрдөгчдөд мэдүүлж байжээ.

Д.Болд