Сурагчдын нийтийн тээврээр үйлчүүлэх цахим картыг өнөөдрөөс тараана. Цахим картыг сургуулиудын сурагчдын холбоогоор дамжуулан нэгдсэн байдлаар тараах аж.

Монголын сурагчдын холбоо, Нийслэлийн боловсролын газраас сурагчдад зориулсан нийтийн тээврээр зорчих цахим картыг үйлчилгээнд нэвтрүүлэхээр “Улаанбаатар смарт карт” компанитай хамтран ажиллаж эхэлжээ. Сурагчдын цахим карт нь сурагчийн үнэмлэхийн хамт хүчинтэй байна. Тиймээс сурагчид нийтийн тээврээр зорчихдоо сурагчийн үнэмлэхээ биедээ авч явах ёстой бөгөөд хугацаа нь дууссан болон огт үнэмлэхгүй бол сургуулийнхаа захиргаанд хандаж асуудлаа шийдвэрлэх хэрэгтэй гэдгийг Монголын сурагчдын холбооноос анхааруулав.

Харин цахим картыг цэнэглэсэн мөнгө нь дууссан тохиолдолд сурагчийн үнэмлэхээ үзүүлээд 200 төгрөгөөр зорчих боломжтой юм байна.