Алтанбулаг Замын –Үүд чиглэлийн “Чингис”-ийн Хурдны замын гэрээнд гарын үсэг зурах ёслолд оролцлоо.
Энэхүү ёслолд Монголын талаас “Чингис Лэнд Девелопмент” группын захирал Ц.Гантулга, ОХУ-ын талаас “Дальстроймеханизация” ХК-ийн захирал Гриднев Виталий Юрьевич нар гэрээнд гарын үсэг зурсан байна.
Монголын “Чингис Лэнд Девелопмент” групп болон ОХУ-ын “Дальстроймеханизация” ХК нь хамтын ажиллагааны гэрээнд гарын үсэг зурснаар “Алтанбулаг- Замын-Үүд” чиглэлийн Чингисийн хурдны замын ОХУ-ын нутаг дэвсгэр дээр дайран өнгөрөх хэсгийг барьж байгуулах ажил дээр хамтран ажиллахаар гэрээ байгуулж байгаа юм . Энэхүү хурдны зам нь зөвхөн “Монгол Улсын нутаг дэвсгэр дээгүүр биш, харин Алтанбулагаас цааш Улаан-Үдэ, Иркутскийн чиглэлийн 230-300 км замыг барьж байгуулах ажлыг Монголын талаас “Чингис Лэнд Девелопмент”, ОХУ-ын талаас “Дальстроймеханизация” ХК хийж гүйцэтгэхээр гэрээнд заасан байна” хэмээн “Чингис Лэнд Девелопмент” группын захирал Ц.Гантулга хэллээ . Гэрээнд гарын үсэг зурах ёслолд УИХ-ын гишүүн Н.Батбаяр, С.Одонтуяа, Б.Чойжилсүрэн болон албаны бусад хүмүүс оролцсон байна.
