Онцгой байдлын алба хаагчид бичил уурхайн 24 метрийн гүн, утаатай нүхээс иргэдийг эсэн мэнд гаргажээ.

Нийслэлийн Налайх дүүргийн 3 дугаар хорооны нутаг дэвсгэрт үйл ажиллагаа явуулдаг иргэн Ц-н бичил уурхайн 57 дугаар налуу ам /уклон/-д хоёр хүн унасан дуудлагыг өнгөрөгч оройн 18:39 цагт /18:50 цаг/ хүлээн авчээ. 

Дуудлагын дагуу ОБЕГ-ын харьяа Уул уурхайн аврах ангийн долоон албан хаагч, нэг техник хэрэгсэлтэйгээр ажиллаж, иргэн Э /25 настай, эрэгтэй/, Ц /31 настай, эрэгтэй/ нарыг 24 метрийн гүн утаатай нүхнээс эсэн мэнд гаргаж, эмнэлгийн байгууллагад хүлээлгэн өгсөн байна.