Монгол улсын гавьяат жүжигчин Б.Магсаржавыг бид “Гарьд магнай кино”-ны Равсал панзын дүрээр нь андахгүй. Тэрээр Монголын кино урлагт өөрийн гэсэн мөрөө үлдээж, хувь нэмрээ оруулсан нэгэн боловч Нарантуул II захын ойролцоо гэр хорооллын шавар байшинд тохь муутайхан амьдардаг тухай бид өмнө мэдээллэж байсан.
Өнгөрсөн зуны наадмаар ТОСК-аас уриалга гарган “Равсал панзад” байр бэлэглэх ажлыг өрнүүлэн ТОСК-ийн Ерөнхий захирал А.Гантулга нэг сарынхаа цалинг, харин тус байгууллагын ажилтан албан хаагчид нэг өдрийнхөө цалинг хандивлаж, БСШУ-ны сайд Л.Гантөмөр, Нийслэлийн засаг дарга Э.Бат-Үүл болон ҮББК-ийн ерөнхийлөгч Ц.Эрдэнэбат нарыг уриалан дуудсан юм.
Ард олноос ихээхэн дэмжлэг хүртээд байсан уг хандивын аян амжилттай өрнөж, гавьяатад өгөх байр бэлэн болсон байна.
Эх сурвалж: 24Цаг.мн
