Шилэн дансны тухай хуулиар дарга нарын тансаглалууд ил болж олон нийтийн бухимдлыг дээд цэгт нь хүргэж байгаа билээ. Тэгвэл тэл дэлхийн улс орнуудаар аялаж зугаацахдаа Сангийн сайдын батлалсан тарифийн дагуу явах ёстой байтал түүнийгээ хэд хэд дахин хэтрүүлэн төсвийн мөнгөөр зугаацаж байгаа нь ил болсон байна.Г.Баасан тэргүүтэй Ахмадын Чөлөөт Холбоо гэгч ТББ -нь С.Эрдэнэ сайдын төсвөөс сар бүр 9,1 сая төгрөг авдаг байсан бол энэ сард үлэмж хэмжээгээр нэмэгдүүлэн 39 сая төгрөг авсан байна.
Шилэн дансны тухай хууль болон түүнийг дагаж мөрдөх журманд бүх хэлбэрээр орлого зарлагаа мэдээлж байх ёстой төрийн байгууллагууд 10 сарын турш огт мэдээлээгүй нь Шилэн дансны тухай хуулийг ноцтой зөрчөөд байгаа юм. Иймд Уулсын баяжуулах Эрдэнэт үйлдвэр, Улаанбаатар Төмөр Зам зэрэг байгууллагууд Шилэн дансны хэргэжилтийг огт хангахгүй байгаа нь иргэдийн шүүмжлэлд өртөөд байна.
Үндэсний Аудитын Газар хэмээх байгууллага дэлхийн аль ч улсад худалдаанд гараагүй смарт буюу ухаалаг сандал ширээ худалдан авсан байх бөгөөд эдийн засгийн ихээхэн хямралтай хүнд үед 180 сая төгрөгийг татвар төлөгчдийн хармаанаас авч өөрсдийн ажилтнууддаа орон сууцны дэмжлэг хэмээн тараан өгчээ
Гадаад томилолт, уулзалт, сургалт зэрэг зардал гаргаж болохгүй хэмээн анхааруулсаар байхад А.Зангад тэргүүтэй Үндэсний Аудитын Газар онц их хэмжээний мөнгөөр гадаад томилолт авчээ.
Хууль зүйн яамнаас ТББ-уудад асар их хэмжээний мөнгө тараан олон төрлийн сурталчилгаа хийсэн хэмээн тайлбар бичсэн боловч түүнийг нь үзсэн харсан хүмүүс олдохгүй байгаа талаар цахим орчинд иргэд сэтгэгдэлээ хэлсээр байна.
Эрчим хүчний яамны сайд Д.Зоригт нь онц их хэмжээний мөнгийг жуулчлалын компанид шилжүүлсэн, 165,4 сая төгрөгийн гадаад зөвлөхийн үйлчилгээ авсан зэрэг нь уг яамыг татан буулгах нь зөв гэсэн саналыг олон хүмүүсээс гаргахад хүргэлээ.
Урьд өмнө нь дуулдаж байгаагүй их мөнгөөр царцаа устгана хэмээн зарсан Р.Бурмаа сайдын энэ үйлдэлд хөдөө аж ахуйн салбарынхан ихээхэн бухимдаж байгаа бөгөөд газар тариалангийн бүс нутагт ямар ч царцаа устгах ажил явагдаагүй гэдгийг тариаланчид өөрсдийн твиттер хуудсандаа бичсэн байна.
Атаршиж орхигдсон газрыг нөхөн сэргээх зориулалттайгаар мөн Р.Бурмаа сайд их хэмжээний мөнгө гаргажээ. Гэтэл газар тариалангийн бүс нутгуудаар ямар ч атаршиж орхигдсон газар байхгүй бөгөөд харин ч эсрэгээрээ газар тариалангийн бүс нутгуудаар үйл ажиллагаа явуулах газар худалдаж авна гэсэн ч байхгүй болохыг бизнес эрхлэгчид гэрчилжээ
Г.Баасан тэргүүтэй Чөлөөн ахмадын холбоо гэх ТББ нь С.Эрдэнэ сайдын багцаас сар бүр асар их хэмжээний мөнгө авдаг нь баримтаар илэрчээ.
tsag.mn
