УИХ-ын чуулганы хуралдаан яг одоо Үндсэн хуулийн цэцийн дүгнэлтийг хүлээж авах эсэхийг хэлэлцэж байна. Цэцийн дүгнэлтийг Хууль зүйн байнгын хорооны гишүүдийн олонхи дэмжих боломжгүй гэсэн бол Төрийн байгуулалтын байнгын хороо хүлээж авах нь зүйтэй гэсэн дүгнэлт гаргасан байна.
Цэцийн дүгнэлттэй холбоотойгоор Их Хурлын даргын захирамжаар байгуулагдсан ажлын хэсгийн дүгнэлтийг УИХ-ын гишүүн Ц.Нямдорж гишүүдэд уншиж танилцууллаа. Тэрбээр, цэц ашиг сонирхолын зөрчилтэй хууль зөрчсөн дүгнэлт гаргасан байна. УИХ-ын гишүүн Засгийн газраас гаргасан угсраа гурван шийд нь ҮХЦ нөлөөлөх гэж оролдсон. Цэц нь энэ нөлөөлөлд автсан. Холбогдох албан тушаалтнуудад хариуцлага тооцож өгнө үү. Хууль хяналтын байгууллага ийм хачин ашиг сонирхолын зөрчилтэй үйл ажиллагаа явуулж байна" гэсэн юм. Ингээд уг асуудалтай холбоотойгоор гишүүд асуулт асууж, саналаа хэлж байна.
УИХ-ын гишүүн О.Баасанхүү “Цэц ашиг сонирхолын зөрчилтэй боллоо гэж Өргөдлийн байнгын хороонд гомдол ирсэн. УИХ-аас томилогдсон буюу сонгогдсон байгууллага гэдэг нь цэцийн зарим шүүгч, АТГ, Татвар гэх зэрэг субьект байдаг. Ганцхан Засгийн газраас асуудаг нь ямар учиртай юм бэ. Хариуг нь яагаад засагтай холбож шийдсэн юм бэ. есдүгээр сарын 8-ны өдөр Болор сайд сангийн сайд болох гэж байсан. Есдүгээр сарын 2 гэхэд 700 гаруй мянган ам.доллар гаргасан байгаа. Цэцийн дүгнэлтийг ерөөсөө хүлээн авч болохгүй. Онолын хэмжээнд тийм зүйл байж болох юм. Гэхдээ бид батлагдсан хуулийг журмаар явна. Эрх мэдлээ урвуулан ашигласан хэрэг шүү" гэлээ.
УИХ-ын гишүү Х.Тэмүүжин “Тавдугаар сарын 6-нд маргаан үүсээд тавдугаар сарын 8-нд Их Хурлын дарга руу итгэмжилсэн хүнээ томилж өгнө үү гэсэн хүсэлт ирсэн. Тэгээд намайг томилсон. Би байр сууриа илэрхийлсэн гол үндэслэл нь УИХ-ын дэгийн хууль дээр байгаа энэ асуудал нь ганцхан УИХ-ын гишүүнтэй холбоотой асуудал биш. ЗГ-тай холбоотой бүх газрууд орно тиймээс УИХ-ын гишүүн нь ЗГ-ын гишүүдийг огцруулах эрхтэй гэж үзсэн. Нэмэлт тайлбар яагаэд энэ цэцийн дүгнэлтэд ороогүй байна вэ. Одоо үйлчилж байгаа ЗГ-ын зарчимд кабинетын зарчим байхгүй. Үндсэн хуулиа барьж маргалдах нь зүйтэй. УИХ-ын гишүүн нь томилох, өөрчлөх, огцруулах гэдэг асуудал бичсэн байдаг. Энэ нь бол УИХ-ын бүрэн эрх. Засгийн газрын тэн хагас огцорсон байвал ЗГ огцорно гэсэн заалт байгаа. Тиймээс үндсэн хуулинд тодорхой асуудал бичигдсэн байхад яагаад ийм зүйл хийв" гэв.
УИХ-ын гишүүн Л.Цог "Цэцийн хандаж байгаа хандлага сонин байдалтай байна. Тэмүүжин гишүүний ярьж байгаа зүйл. Томилох, өөрчлөх асуудал ЕС-д байгаа. Гэвч огцруулах УИХ-ын гишүүний бүрэн эрхт халдав. Цэц ЗГ-аас дүгнэлт авах шаардлагагүй. Үүнийгээ үндэслэсэн нь сонин байна. Энэ бол шинэхэн сонгодог авилгалын хэрэг байна. Холбогдох байгууллагаар шалгуулах хэрэгтэй. Шалгуулах том үндэслэл байна. Цэцийн дүгнэлт А гэхэд Б гэсэн юм гарчихжээ. Дүгнэлтийг хүлээж авах боломжгүй. Яахаараа мөнгөтэй холбоотой ийм заваан юм хийж явдаг юм бэ" гэлээ.
УИХ-ын гишүүн Ц.Даваасүрэн "Эдийн засаг нь хүнд байдалд орсон байгаа дээр төр нь хямралд орлоо. Одоо институцийн асуудалд орж ирлээ. УИХ-ын гишүүний бүрэн эрхт халдчихсан байна. УИХ-ын гишүүн гэдэг олон түмний төлөөллийн эрхээ хэрэгжүүлж байна. Түүнээс биш хувь хүн биш. Энэ зүйлд цэц халдаж эхэллээ. 20 гаруй жил ингэж сайд нараа огцруулж ирсэн. Цэцийн шийдвэрээр бол энэ хугацаанд огцорсон хүмүүс бүгд хохирсон байна. Энэ хугацаанд цэц юугаа хийж байсан юм бэ. УИХ цэцийн гишүүдийг татах хэрэгтэй. Ой тэмдэглэх гэдэг чинь юу гэсэн үг вэ? Нөөцөөс мөнгө гаргах журмаа зөрчсөн юм уу" гэсэн юм.
УИХ-ын гишүүн, МАН-ын дарга, УИХ-ын дэд дарга М.Энхболд “Байнгын хорооны дарга зүтгэсээр байгаад цэцийн дүгнэлтийг хүлээж авлаа. Манай байнгын хорооны дарга зүтгээд байсан цаад учир нь ажлын хэсгийн дүгнэлтээс харагдаж байна. Цэцийн дүгнэлт нь хариуцлагын тогтолцоог байхгүй болгочихлоо. УИХ хүлээж авахгүй байх шаардлагатай. Тэгээд их суудал нь ямар шийдвэр гаргахыг харах хэрэгтэй" гэв.
УИХ-ын гишүүн Ө.Энхтүвшин "Ёстой түмпэн түмпэнгээр бөөлжих хэрэг гэдэг чинь энэ байна даа. Мөнгө байхгүй гээд автобус нь явдаггүй, цалингаа хасах дээрээ тулчихаад байдаг. Гэхэд ЗГ машин авч өгөөд, нэмж мөнгө өгөөд. Тэдэнд таарсан шийдвэрийг нь цэц нь гаргаад байна. Цэц гэдэг их сонин болчихлоо. Би уг нь цэцийн талаар юм ярьдаггүй байсан. Цэц захиалгаар явдаг байгууллага болчихлоо. Яагаад ЗГ ийм зүйл хийв. Цэц яагаад төрийг бужигнуулах юм хийж байна. Ер нь цэцийн гишүүдийг бид томилохдоо алдчихжээ" гэсэн юм.
Г.Лхагва
