УИХ-ын чуулганы өчигдрийн хуралдаанаар Өршөөлийн хуулийг хэлэлцэх байсан ч дахин хойшиллоо. Авлигачдыг, албан тушаалтнуудыг өршөөх зорилготой Өршөөлийн хуулиар "Шударга ёс эвсэл" дахин 3 хоногийн завсарлага авсан юм.
Өнгөрсөн долоо хоногт уг хуульд Ерөнхийлөгчийн хоригийн дагуу нэмэлт, өөрчлөлт оруулах ёстой байсан ч бас л эвслийн бүлэг завсарлага авснаар өнөөдрийг хүртэл хойшилсон. Тус бүлгийн гишүүн Ц.Цолмон уг хуулийн төслийг хаалттай хэлэлцэх санал гаргасан ч харамсалтай нь шударга гишүүдийн гавьяагаар санал нь дэмжигдээгүй. Тиймээс тэд арга буюу Өршөөлийн хуулиар завсарлага авсан хэрэг.
Гэхдээ юуны тулд, ямар шаардлагаар ингэж уг хуулийн төслийг сунжруулж батлагдах хоног хугацааг нь уртасгаж байгаа нь тодорхой. Мэдээж намын даргынхаа авилга, улс төрийн хэргийг өршөөлгөх зорилготой юм. Ингэснээр авилгачдыг өршөөх хуулийн төсөл үндсэндээ "замхарч" дууслаа. Төрийн түшээд ард түмнийхээ өмнө чухам л үнэн гэж өөрсдийгөө өргөмжилж авилгачдыг өршөөхгүй гэж байгаа ч цаанаа авилгачдынхаа төлөө бүхнийг хийж байна.
Ардчилсан сонгуулийн 25 жилийн ойд зориулж батлан гаргасан Өршөөлийн хууль авилгачдыг өршөөснөөр ардчилсан ойгоороо ардчиллалаасаа нэг алхам ухарсан хэрэг. Авилгатай тэмцэнэ гэж ярьдаг хэлдэг нам болон хүмүүс үзэл баримтлалаасаа ухарсан явдал юм. Харин Ерөнхийлөгч азаар хориг тавиад түүнийг нь УИХ дахь намын бүлгүүд хүлээн авах гэж байтал цагтаа "Авилгалын загалмайлсан эцэг" гэж хочлуулж явсан эрхмийн намынхан нь хойш нь чангаасаар байна. Ардчиллалаа хамгаалж үлдэх хамгийн сүүлийн замд нь саад тотгор учрууллаа. Тэд ийнхүү хойшлуулж байгаа нь магадгүй Н.Энхбаяр ээлжит нэгэн "нүүдэл" хийхээр цаг хожсон хэрэг байх. Ер нь нэгэнт тодорхой болсон асуудал дээр ингэж муйхарлаж төрийн ажлыг гацааж байхын оронд хуулиа биелүүлвэл хэн хэндээ хэрэгтэй. "Шударга ёс" нэртэй эвсэл иргэдэд шударга ёсыг амлаж гарч ирсэн. Одоо харин тэднээс шударга ёсыг хайгаад өчүүхэн төдийг ч олохгүй бололтой. Тэдэнд найдсан авилгачид бөөн бөөнөөрөө хэргээс мултрах өдрөө хүлээж байна.
Ерөнхийлөгчийн хоригийг Өршөөлийн хуульд "хуудуутай" тусгаж чадвал "өршөөгдөх" эрхмүүд:
МАХН-ын дарга Н.Энхбаяр
“Хүргэн хүү” Г.Дэнзэн
АМГ-ын дарга асан Д.Батхуяг
Татварын” Ч.Гансүх
“Цэвэр агаар сан”-гийн Н.Хүрэлсүх
УИХ-ын гишүүн Лу.Болдын хэргийг хэрэгсэхгүй болгоно
Улсад 2.7 тэрбум төгрөгийн хохирол учруулсан гэх Б.Шинэбаатар
Ажлаа өгсөн ИХШХЕГ-ын дарга Б.Пүрэвдорж
Улсын хөрөнгөнөөс завшсан гэх Г.Сэрээнэндорж
Хотын дарга асан Ц.Батбаяр
Г.Ган
Zaluu.com
