"Боловсрол суваг" телевизийн шинэ уран бүтээл "Яг түүн шиг" телевизийн супер шоу нэвтрүүлэг нь Нидерланд улсын "Эндемол Шайн" группын албан ёсны эрхтэйгээр Монгол улсад хийгдэж байна.Тус группын "50 саяын уналт" шоу нэвтрүүлгийг "Боловсрол суваг телевиз" зургаа дахь жилдээ албан ёсны эрхийн дагуу бэлтгэн үзэгчиддээ хүргэж байгаа билээ.

"Яг түүн шиг" шоу нэвтрүүлэг нь дэлхийн 39 оронд албан ёсны эрхтэйгээр хийгдсэн бөгөөд Монгол улс тус нэвтрүүлгийг албан ёсны эрхтэй хийх 40 дэх улс болж байна.

Нэвтрүүлэгт олны танил найман эрхэм оролцож Монголын болон дэлхийн алдартай уран бүтээлчдийг дуурайж тэдний дүрд хувирах юм.Дүрд хувилахдаа нүүр, биеийн хэлбэрийг дуурайх,хоолойн болон бүжгийн бичлэгт орох,ижилхэн хувцас өмсөх,ижил үсний засалттай болох гэх мэтээр тухайн уран бүтээлчийн онцлогийг бүрэн илэрхийлэх бүхий л зүйл дээр мэргэжлийн түвшинд ажиллах юм.

Шоу нэвтрүүлгийн гол дүр болох найман оролцогчоор:

-"Камертон хамтлаг"-ийн дуучин Л.Ган-Эрдэнэ

-Жүжигчин Н.Мөнхсоёл

-Загвар өмсөгч Э.Энхболд

-Дуучин Б.Маралжингоо 

-Загвар өмсөгч С.Сарнай

-Дуучин П.Баярцэнгэл

-Дуучин Э.Энхзол

-Дуучин Б.Амархүү нар сонгогдсон юм.

Нэвтрүүлгиийн хөтлөгчөөр жүжигчин Э.Цолмонбаяр, хөтлөгч Б,Болд нар ажиллана.Харин шүүгч хэн байх нь одоогоор нууц хэвээр байна.

"Яг түүн шиг" телевизийн супер шоу нэвтрүүлэгийн ивээн тэтгэгчээр Юнител групп,Голомт банк, Номадсын сүлжээ ресторанууд хамтран ажиллаж байгаа бөгөөд нэвтрүүлэг явагдах 90 минутын турш ямар нэгэн рекламгүйгээр үзэгчдэд шууд хүрэх ажээ.

Нэвтрүүлгийн дүнг шүүгчдийн болон үзэгчдийн санал асуулгаар дүгнэн гаргана. Шилдэг оролцогч 50 сая төгрөгийн шагналыг гардан авах юм.

"Яг түүн шиг" телевизийн супер шоу нэвтрүүлэг 05-р сарын 08-наас эхлэн  хоср сарын турш  цэнхэр дэлгэцээр танд хүрэх болно.Та ням гариг бүр сувгаа "Боловсрол суваг телевиз " дээр тааруулсанаар дэлхийн одуудыг нэг тайзнаа харах боломжтой болох юм.