Авлигатай тэмцэх газар 2016 онд хийх төлөвлөгөөт хяналт шалгалтын хүрээнд Хөдөлмөрийн яамны мэдүүлэг гаргагч албан тушаалтнуудын хувийн ашиг сонирхлын болон хөрөнгө, орлогын мэдүүлгийг шалгав. 

Шалгалтаар 6 албан тушаалтныг өөрийн болон гэр бүлийн гишүүдийн хөрөнгө, орлого, компанид оруулсан хөрөнгө оруулалтыг мэдүүлээгүй, өөрийн хадгаламжийг дутуу мэдүүлсэн, тухайн албан тушаалд томилогдсоноос хойш Авлигын эсрэг хуулийн 10 дугаар зүйлийн 10.3-т заасан хугацаанд хөрөнгө, орлогын мэдүүлгээ гаргаагүй болохыг тогтоож авлигын эсрэг хууль тогтоомжид заасан сануулах, цалингийн хэмжээг болон албан тушаал бууруулах хариуцлагыг хүлээлгэхээр Хөдөлмөрийн сайд Г.Баярсайханд албан бичиг хүргүүлэв.

Д.Ундрах