УИХ-ын 2016 оны сонгууль сар гаруйхны дараа болох гэж байна.  Мөн Үндсэн хуулийн цэц Сонгуулийн хуулийн зарим заалт Үндсэн хууль зөрчсөн байна гэж үзсэнтэй холбоотойгоор уг хуулинд өөрчлөлт орж, тойргийн хувиарлалт ч шинээр батлагдсан.

 

Үүнтэй холбоотойгоор хэн хэн хаана нэр дэвших вэ? гэдэг шийдэл ч өөрчлөгдөж эхэллээ. Жишээлбэл: Өмнө нь байнга Сонгино Хайрхан дүүрэгт нэр дэвшдэг байсан БНН-ын дарга, "Буян" компаний захирал Б.Жаргалсайхан Орхон аймагт буюу Эрдэнэт хотод нэр дэвшин, УИХ-ын сонгуульд өрсөлдөхөөр болжээ.

 

Тэрээр АТН-ын дарга Л.Гүндалай, УИХ-ын гишүүн О.Содбилэг нарын нэр дэвших гэж буй тойргийг сонирхож буй хэдий ч цаашид бага зэрэг өөрчлөгдөж болзошгүй аж. Орхон аймагт МАН-аас УИХ-ын гишүүн О.Содбилэг, УИХ-ын гишүүн асан Д.Дамба-Очир, Хууль Зүйн сайд Д.Дорлигжав, УИХ-ын гишүүн М.Батчимэг, УИХ-ын гишүүн асан, АТН-ын дарга Л.Гүндалай нар нэр дэвшихээр төлөвлөж буй юм. Б.Жаргалсайхан УИХ-ын 2004 оны сонгуульд Сонгино Хайрхан дүүргийн 70-р тойрогт нэр дэвшин,  нийтлэлч Баабар, УИХ-ын гишүүн Ц.Дашдорж нарыг ялж, УИХ-ын гишүүн болж, улмаар Ерөнхийлөгчийн сонгуульд нэр дэвшин, Үйлдвэр, худалдааны сайд болж байсан билээ.