Уулын спортын ОУХМ Б.Цэвээндаш энэ сарын 21-ний өдрийн 06 цаг 25 минутад дэлхийн дээвэр Эверестийн оргил өөд хойд замаар хоёр дахь удаагаа авирч оргилд амжилттай гарч чаджээ. Б.Цэвээндаш нь 2012 оны тавдугаар сард өмнөд замаар авирч, анх удаагаа Эверест оргилд гарч байсан юм. Мөн 2015 оны дөрөвдүгээр сард хоёр дахь удаагаа, МУГТ ОУХМ Т.Гүррагчаагийн хамтаар авирсан боловч 7000 м өндөрт /хойд замаар/ хүрээд байхад нь авиралт цуцлагдсан билээ. Учир нь тэр өдрүүдэд Непал улсад газар хөдлөлт болсны улмаас Хятадын Засгийн газраас хаврын бүх авиралтыг албан ёсоор цуцалж байв.
Харин энэ удаагийн Б.Цэвээндашийн авиралт нь Эверест ууланд хийсэн гурав дахь авиралт болж байна.
Д.Өлзий
Эх сурвалж: “Монцамэ” агентлаг
