“Цагаан зээр, бүсгүй хүн хоёр нутаггүй” гэдэгсэн. Гэтэл өнөөгийн нийгэмд энэ үг улстөрчид л нутаггүй болоод байх шиг. Ингэж 

хэлэхийн учир нутаг алсаран хүний нутаг, гүний хошуу дамнан сонгогчдын толгойг эргүүлэх ажлыг хийдэг боллоо.

Монгол түмнийхээ хайр хүндлэлийг хүлээсэн спортынхон Улстөр лүү хошуурах болсон нь ч Олимпийн аварга Н.Түвшинбаярыг тойрсонгүй.

АН-ын далбаан дор сонгуульд нэр дэвшихээр болсон гэдэг сургаар л нутагтаа буюу Булганд нэр дэвшинэ гэж хүлээж байсан нутгийн зон олны итгэлийг хөсөрүүлэн одлоо. Зарим нэгэн нь түүний энэ үйлдлийг “хадмын нутаг” гэдэг шиг л ярьж байна. Тодруулбал: Ямартаа л “Женко”  Х.Баттулгыг дагаж улстөрд орохоор шийдсэн мөн жүдогийн дэвжээ нэгт ахыгаа дагаж Баянхонгорт бэр боллоо доо гэж хошигнон ярьж байхав дээ.

Энэ мэтчилэн нутаг сэлгэсэн улстөрчдийн цуваа үргэлжилсээр байх бололтой. Төрсөн нутагтаа элэггүй нэгэн хүний нутгийг хөгжүүлэх талаар ярьж, бодож, сэтгэх нь юу л бол. Баянхонгорчуудад ёстой л ид шидийн үлгэр ярьж ах Х.Баттулгаа дагаж намирч л байгаа байх.

Гэхдээ олимпийн аварга Н.Түвшинбаяр Баянхонгорчуудын амьдралыг ойлгож, дэмжиж туслаад хөгжүүлнэ гэдэг ҮЛГЭР л дээ.  

Эх сурвалж: www.bolod.mn

ЧОЙ