Сонгуульд нэр дэвшигчидтэй холбоотой анхаарал татсан мэдээллүүд цөөнгүй гарч байна. Тухайлбал, АН-аас НИТХ-ын сонгуульд нэр дэвшигч Ц.Гомбосүрэнг АТГ-аас  шалгаж эхэлжээ.  БГД-ийн 23-р хороо “УИХ-ын сонгуулийн 5-р тойргийн сонгогчдод НИТХ-ын сонгуульд тус хороонд нэр дэвшигч Цэндийн Гомбосүрэн нь Сонгуулийн тухай хуулийг зөрчин сонгуулийн сурталчилгаа эхлэх хугацаанаас өмнө буюу 05-р сарын 26-ны өдрөөс эхлэн УИХ-ын гишүүн С.Эрдэнийн ажлын тайлангийн хэвлэмэл материалаар  халхавчлан сурталчилгаа явуулж материал тараасан байна” гэх гомдол цагдаагийн байгууллагад ирсэн аж. Тус хорооны иргэн ийм гомдол гаргасан бөгөөд БГД-ийн цагдаагийн нэгдүгээр хэлтэс гомдлын мөрөөр шалгаж эхэлжээ.