АНУ-ын нэрт кино од , гэмт хэргийн тухай адал явдалт телевизийн алдартай цуврал кинонд цагдаагийн дүрээрээ олонд алдаршсан жүжигчин Майкл Жейсийг 2014 онд эхнэрээ алсан хэргээр өчигдөр тус улсын дээд шүүхээс 40 жилийн хорих ял оноожээ.
Шүүх хурал дээр Майкл Жейс : би эхнэрээ алъя гэж бодоогүй. Би тэр бүх хүмүүст гэм хор учруулсан үйлдэлдээ маш их харамсаж байна гэж хэлсэн байна. Өнгөрсөн 3-р сарын 31-нд түүнийг АНУ-ын хуулийн байгууллагаас эхнэр Эйприл Жейсийг алсан гэж албан ёсоор буруутгасан юм. Тэрээр аавынхаа гар буугаар эхнэрийнхээ нуруу болон хөл рүү нь буудсан бөгөөд энэхүү аллагын гол гэрч нь түүний 5,8 насны хоёр хүү нар нь ажээ. Америкийн хэвлэл мэдээлэлд бичсэнээс үзэхэд түүний эхнэр Жейсээс салахаар шийдэж байсан аж.
Үүнийг Майкл Жейс мэдэнгүүтээ өөрийнхөө амийг хороохоор шийдэж байсан ч арай зүрх нь хүрээгүй учир эхнэрээ алсан байна. 2014 оны 3-р сарын 19-нд түүний 40 настай эхнэр Эйприл Жейс гэртээ үхсэн байхыг цагдаагийхан олсон аж. Нэрт жүжигчин Майкл Жейс нь “Хаалт” хэмээх олон ангит адал явдалт кинонд тоглосноос гадна “Форрест гамп”,”Сармагчингуудын ертөнц” зэрэг олон алдартай кинонд тогложээ. Тэрээр бүхэлдээ маш олон гайхамшигтай кинонуудад 50 гаруй дүр бүтээжээ. Майкл Жейс эхнэртэйгээ 2003 онд гэрлэсэн аж.
Ж.Батдорж
Эх сурвалж: Жиргээ.мн
