Сонгуультай холбоотой шилжилт хөдөлгөөн нэмэгдэж, ёстой нөгөө  “царцааны нүүдэл” эхэллээ гэгдэж буй.Тэгвэл уг асуудлыг албаны нөхдүүд үгүйсгэхгүй байгаа аж. Тухайлбал, СЕХ-ноос гаргаж буй тайлбарт“Сонгогчийн шилжилт хөдөлгөөн дуусахаас өмнө маш олон хүн өөр газар санал өгөх хүсэлт гаргасан байна лээ. Ер нь нэлээд олон хүн нэг газар луу шилжих байдал ажиглагдсан. Сонгогч шилжихтэй холбоотой хязгаарлалт хуульд тусгагдаагүй учраас ийм байдал үүсч байгаа байх. Шилжин очсон сонгогч зөвхөн УИХ-ын сонгуульд санал өгнө. Ийм саналын хуудас тусдаа хэвлэж, цөөн тоогоор аваачсан. Энэ нь хүрэхгүй байх магадлал ажиглагдаж байгаа. Сонгогчийн бүртгэл, шилжилт хөдөлгөөнийг Улсын бүртгэл, статистикийн газар хариуцаж байгаа” гэж байна.

Эх сурвалж: Б.Тамир, Шуурхай.мн