Тэр оюунлаг. Хэлж ярьж байгаа бүхэн нь тоо баримтад тулгууралсан шинжлэх ухаанч. Учир нь тэр дэлхийд үнэлэгдсэн боловсролтой нэгэн. Түүний хэлсэн өгүүлбэр бүрийн ард алга ташилт, уухай. Яагаад гэвэл тэр иргэдийнхээ амьдралыг мэддэг, хөрсөндөө бууж чадсан залуусэхээтэн. Тийм болохоор ард түмэн түүнд хайртай. Тэр уул уурхай аль эсвэл барилгын бизнес эрхэлдэггүй. Харин тэр оюуны салбарт мэдлэгийн үрийг таригч. Мянга мянган залуусыг боловсролтой бас ажилтай болгож яваа нэгэн. Түүнд өрсөлдөгчөө харлуулах хар пи-ар хэрэггүй. Харин өрсөлдөгчтэйгээ өрсөлдөх бодлогын өрсөлдөөн л хэрэгтэй. Тиймээс бусдыг бодлогын өрсөлдөөнд уриалсан шинэ цагийн төлөөлөл. Тэр хэн нэгэн шиг хэрүүл хийгээгүй, биеэ өмөөрөөгүй, бусдыг муулаагүй. Учир нь түүнд зав байхгүй.

Үйл, хүсэл, үзэл гурав

Төр түшилцэх хүнийг үйл, хүсэл, үзэл гурвыг нь харж сонгох учиртай гэдэг. Тэгвэл Н.Учралын үйлийг харвал тун цэвэр. Түүнд төсөл идэж, тендер луйвардаж байсан түүх байхгүй. Харин боловсролын салбарт хоёр үеэрээ ажиллаж байгаа сэхээтэн айлын хүү.

Түүний хүслийг нь шинжвэл түмнээ гэсэн сэтгэл, итгэлийг нь даах гал эрмэлзлэл л байна. Энгийн жишээ гэхэд л тэрбээр сонгогчдоос илгээсэн 1000 гаруй  захидлыг өөрийн биеэр уншиж, танилцаад асуудал бүрийг нэгтгэн дүгнэж, Сонгинохайрхан дүүргийн хороо бүрт хөгжлийн зураглал гаргаж, уртаас урт хийх ажлын төлөвлөгөөтэй боловсон хүчин.

Түүний үзэл гэвэл Нийгмийн ардчилсан үзэл баримтлалыг дээдэлдэг бөгөөд дотоод, гадаадын эрдэмтдээс үг сонсож ухаан суусан залуу үеийн төлөөлөл. Ингээд харахаар Н.Учрал муу үйл хийсэнгүй, буруу санаа өвөрлөж, шуналын хүсэл агуулсангүй. Харин төр, түмнийхээ төлөө ажиллах чин хүсэлтэй залуу улстөрч юм.

Хийх ажил

Хүн төвтэй хөгжил ярьсан цөөхөн улстөрчдийн нэг бол Н.Учрал юм. Тэрбээр хүний хөгжлийн бүхий л үе шатад тулгууралсан цогц бодлогыг энэ удаа дэвшүүлж байгаа юм. Ингээд МАН-ын мөрийн хөтөлбөрөөс цухас дурдъя.

Таны хүүхэд:

Таны хүүхдийг төрөхөд, цэцэрлэг, сургуульд ороход боловсрол, эрүүл мэндийн хамгийн чанартай үйлчилгээг үзүүлнэ. Бүх хүүхдийг цэцэрлэгт хамруулна. “Хүүхдийн мөнгө”, “Оюутны тэтгэлэг”-ийг олгоно. Олимпийн төрлийн спортуудыг ерөнхий боловсролын сургуулиудын хичээлийн хөтөлбөрт оруулна. Малчны хүүхдэд 6-8 настайдаа сонголттойгоор сургуульд элсэх боломж олгоно. Оюутнууд сургалтын төлбөрөө төрөөс зээлж, ажилдаа орсны дараа буцаан төлдөг тогтолцоог бүрдүүлнэ. Хүүхэд залуучууд маань дэлхийд өрсөлдөхүйц боловсролтой болж, аав ээжээ ачилж, эх орныхоо хөгжлийн баганаас өргөлцөх бодлогыг санал болгож байна.

 Таны ГЭР БҮЛД:

Гэр бүлийг дэмжин тэтгэсэн бодлогыг дэвшүүлсэн. Гэр бүлийн үнэт зүйлсийг бэхжүүлнэ. Өрх толгойлсон эцэг, эх, орлого багатай өрх, хөгжлийн бэрхшээлтэй иргэдээ тусгайлан дэмжинэ. Хүн амын өсөлтийг дэмжиж “Цалинтай ээж” хөтөлбөр хэрэгжүүлнэ. Хүүхэд төрүүлэн өсгөх бүрт ээжүүдийн ажилласан жилийг 1,5 жилээр нэмэгдүүлэн тооцно. “Одонтой ээжүүд”-ийн тэтгэмжийг нэмэгдүүлнэ. Бид хүүхдүүдийг, олон хүүхэд төрүүлсэн ээжүүдийг, таны гэр бүлийг бүх талаар дэмжин хамгаалах болно.

Таныг ажилтай, ОРЛОГОТОЙ БАЙХАД:

Өрийн дарамтыг бууруулж, эдийн засгаа сэргээн босгоно. Бизнес дэх төрийн дарамт, шахалтыг багасгана. Тусгай зөвшөөрлийн тоог 3 дахин цөөрүүлнэ. Арилжааны зээлийн хүүг бууруулж, хугацааг уртасгана. НӨАТ-ыг оновчтой болгож, хөдөө орон нутагт бизнес эрхлэхийг дэмжинэ. Аймаг бүрт үйлдвэр байгуулна. Шинээр аж ахуй эрхлэлтийг урамшуулдаг тогтолцоог бүрдүүлнэ. Татвар нэмэхгүй. Шинэ төрлийн татвар бий болгохгүй. Эдийн засгийн хямралын “БИД ХАМТДАА” СОНГУУЛИЙН МӨРИЙН ХӨТӨЛБӨР-2016 5 өртгийг иргэдээр төлүүлэхгүй. Жилийн орлого нь 1,5 тэрбум төгрөгөөс бага орлоготой аж ахуйн нэгжийн орлогын албан татварыг 1 хувь болгон бууруулах бодлого хэрэгжүүлнэ. Үндэсний томоохон бизнес эрхлэгчдээ дэмжинэ. Орлого багатай иргэдээ тэтгэнэ. Монгол хүний үнэ цэнэ, бүтээмж, өрсөлдөх чадвар, үнэлэмжийг бүх салбарт өсгөнө. Цалин, урамшууллыг өсгөж, өрхийн сарын дундаж орлогыг хоёр дахин нэмэгдүүлнэ. Энэ бүх бодлогын үр дүнд таны амьдралд, эдийн засагт, улс оронд итгэл найдварын өөрчлөлт бий болно.

Таныг АЯ ТУХТАЙ АМЬДРАХАД:

Нийслэл, аймгийн төвүүдийн хот байгуулалт, газар зохион байгуулалтын төлөвлөгөөг үе шаттайгаар сайжруулж таныг амар тайван амьдрах боломжийг бүрдүүлнэ. Улаанбаатар хотын дүүрэг бүрт цэцэрлэгт хүрээлэн, хиймэл нуур, усан байгууламжуудыг барина. Төв суурин газрын агаарын бохирдлыг бууруулахын тулд “Эко хот” хөтөлбөр хэрэгжүүлж, хийн түлшний хэрэглээг нэмэгдүүлнэ. Автомашингүй гудамж байгуулна. Нийслэлд дугуйн замын шинэ дэд бүтцийг байгуулна. Хашаандаа амины орон сууц барьсан айлыг ипотекийн зээлд хамруулна. Ард түмний мэдлийн төрийн өмчит том эмнэлгүүдийг хувьчлахгүй. Бүх эмнэлгийн үзлэгийн цаг, очер, дугаарыг гэрээсээ захиалдаг системтэй болгоно. Хуулийг хүн бүрт тэгш үйлчилдэг болгоно. Бидний хэрэгжүүлэх бодлого таныг амар тайван, аюулгүй амьдрахад зориулагдсан.

Таныг ТЭТГЭВЭРТ ГАРАХАД:

Таныг улс орондоо хийсэн бүтээснээ үнэлүүлж, амар амгалан амьдрах орчныг илүү сайжруулна. Шударга халамжийн системийг тогтооно. Тэтгэвэр, тэтгэмжийг үе шаттайгаар нэмэгдүүлнэ. Ахмадуудаа тэтгэврийн зээлийн өрөнд оруулж байгаа бодлогыг өөрчилж, тэтгэврийн зээлийн хүүг бууруулна. Ахмадуудын мэдлэг, туршлагыг залуу үеийнхэнд өвлүүлэх зорилгоор “ахмад зөвлөх” ажиллуулж, “Ач санах” хуулийг батлан хэрэгжүүлнэ. Ахмад настанд зориулсан эмнэлгийн үйлчилгээ, асаргаа, сувилгааг өргөжүүлнэ. Та сэтгэл амгалан амьдарч, үр ач, эх орноороо бахархаж, өндөр насандаа авах ёстой бүхий л хүндлэл, ачлалыг хүртэнэ.

МАН-ын мөрийн хөтөлбөртэй танилцаж, Н.Учралын хэлж ярьж байгаа сонссон иргэд, сонгогчид түнийг энэ удаагийн сонголтын эзэн гэдгийг дуу нэгтэй хэлж байгаа юм. Сонгинохайрхан дүүргийн 23-р хорооны иргэн С.Мягмар “Монголын ууган нам болох МАН энэ удаа маш ухаалаг сонголт хийж, мэдлэг боловсролтой залуу хүнийг манай тойрогт илгээсэн нь тун зөв гэж бодож байна. Ер нь аливаа зүйлд эхлэх хугацаа гэж байхад дуусах цаг гэж бас бий. Энэ Учрал гээд залуугийн ярьж байгааг сонсоход их үнэн үгтэй, номтой хүү юм. Дээрээс нь бидний амьдралд тулгамдаад байгаа асуудлыг яг таг мэдэж байна. Шийдэх арга нь намын мөрийн хөтөлбөр болон тэр яриад байгаа судалгааны багийнх нь гаргасан бодлогод их нарын туссан байна билээ. Ёстой Учрал нэрэндээ тохирсон Учрал ерөөлөөр бидэнд ирсэ хүү гэж түүнийг бодож байна” гэв.

Энэ бүх ажлыг хийх хүч, хүсэл нь ундарсан залуу улстөрч Н.Учрал түмэн олныхоо итгэлийг дааж,Сонгинохайрханчуудын шинэ цагийн сонголтын эзэн гэдгийг түүнтэй уулзсан хүн бүр хэлж байна.