"ESM”гэсэн товчилсон нэршилтэй "English school of Mongolia” сургуулийн гадаад багш нь сурагчдад порно кино үзүүлсэн байна. Тухайлбал, Монгол Кувейтын төвд долоо хоног вакумжуулсан сургалтад сурагчдыг суулгаж эцэг, эхээс нь тусгаарлаж байгаад хүүхдүүдэд порно кино үзүүлжээ. Тус вакуумжуулсан сургалтад хамрагдсан сурагчид нь 16 настангууд байсан байна. Сургалтад хамрагдсан хүүхдүүд өчигдөр гэртээ эргэж ирсэн бөгөөд 16 настай охин порно кино үзсэн тухайгаа эцэг эхдээ хэлжээ. Мэдсэн эцэг, эхчүүд маргааш сургууль дээр нь очно, цэцэг цэврүү шиг 15, 16-тай хүүхдүүдэд яагаад ийм кино үзүүлсэн бэ гэдгийг тодруулна гэдгээ хэлж байна.Ийм мэдээлэл авсан эцэг эхчүүд айдаст автаад байгаа аж.

Монголын хүүхдүүдэд урьд нь хар тамхичин гадаад багш хичээл зааж байсан бол одоо сургалт нэрээр гэрээс нь хол авч яваад гадаад багш нь порно кино үзүүлж байгааг юу гэж ойлговол зохилтой вэ. Энэ үйлдэл гадны гэх тодотголтой, тэр хэрээрээ асар өндөр төлбөртэй сургуулиудад хяналт тавих цаг болсныг харуулж байгаа хэрэг биш гэж үү. Долоо хоногт эх хэлийг нь хоёрхон цаг заадаг гадны гэх ийм сургуулиудад хяналт тавьдаг, сургалтын хөтөлбөрийг нь баталдаг байгууллага гэж Монголд байна уу.

"Өнөөдөр дэлхий нийт IB буюу олон улсын бакалаврын дипломыг хүлээн зөвшөөрч байна. Тэгвэл "ESM" Олон улсын дунд сургууль сурагч, багшаас илүү их чадвар, тэвчээр шаарддаг IB хөтөлбөрийг 2015 оноос ахлах ангийн сургалтдаа нэвтрүүлжээ. Түүнчлэн тус сургуулийн сурагчид урлаг, гоо зүй, спорт, зан харилцаа, хүмүүжлийн өв тэгш чадвартай болон амьдралд бэлтгэгдэж байна” хэмээн одоогоос хоёр жилийн өмнө буюу 2018 оны дөрөвдүгээр сарын 16-ны өдөр үйл ажиллагаагаа хэвлэл мэдээллийн хэрэгслээр сурталчилж байсан тус сургууль ньнийслэлд үйл ажиллагаа явуулж байгаа хамгийн өндөр төлбөртэй 12 сургуулийн тавд жагсдаг юм байна. Хоёр жилийн өмнөх танилцуулгыг хүргэвэл:

Бага анги-10.550,000, Бусад ангийн төлбөр ирэх намар тодорхой болно.

Сургалтын онцлог, давуу тал: Английн үндэсний хөтөлбөрт суурилсан Кэмбрижийн болон IB /International Baccalaureate/ ОУ-ын Боловсролын хөтөлбөрийг үндэсний хөтөлбөртэй хослуулан хичээллэдэг. Цэцэрлэгийн 3 наснаас сургуулийн 12-р анги хүртэл бүх анги Англи хэл дээр хичээллэдэг.

Анги дүүргэлт: 20-24

Хэдэн төрлийн дугуйлан хичээллэдэг эсэх: Хүүхэд хөгжүүлэх 30 гаруй төрлийн дугуйлан, секц хичээллэдэг.

Усан бассейн: Байхгүй

Өдрийн хоол: 5000₮

Автобус: Сургалтын төлбөрт багтахгүй бөгөөд жилийн 560,000₮, нэг улирал нь 140,000₮. Сургуулийн автобусанд 3-р ангиас дээш ангийн хүүхдүүдийг авдаг.Бага ангийн хувьд эцэг эхчүүд өөрсдөө хүргэж өгч, авна.

Бэлтгэл ангийн бүртгэлийн мэдээлэл: Бэлтгэл анги гэж хичээллэхгүй. Цэцэрлэг 8 сард хичээллэж эхлэх бөгөөд төлбөр нь 8,000,000₮

"Тус сургуулийн сурагчид урлаг, гоо зүй, спорт, зан харилцаа, хүмүүжлийн өв тэгш чадвартай болон амьдралд бэлтгэгдэж байна” хэмээсэн өгүүлбэр дээр дурдагдсаныг уншигчид анзаараарай. Насанд хүрээгүй сургуулийн сурагчдаа "урлаг, гоо зүйн хүмүүжлийн өв тэгш чадвартай болгон амьдралд бэлтгэхийн” тулд ваакуумжуулсан орчинд бөөнөөр нь аваачиж порно үзүүлдэггүй л байлтай. Үүнийг юу гэж ойлговол зохилтой вэ.