Австрали Улсын Шинэ Өмнөд Уэльс, Квинсланд мужуудаас эхэлсэн ойн түймэр газар авч, Виктория, ACT мужуудыг хамран хүний амь эрсдэн, өмч хөрөнгө сүйдсэн харамсалтай явдал үргэлжилсээр байгаа билээ.

Тэгвэл өчигдөр Монголын Бурхны Шашинтны Төв Гандантэгчэнлин хийдийн Гунгаачойлин дацанд Австрали улсын нийт нутаг дэвсгэрт гарсан гал түймрийн гамшигт өртсөн хүмүүс, ан амьтдын сайн сайхны төлөө ном хурж, нийтийн залбирал үйлдсэн юм. Энэ үйл ажиллагаанд Гадаад харилцааны яамныхан дэмжин оролцож, Монгол Улсад ном хурж байгааг Австрали улсад уламжилсан гэнэ. 

Тодруулбал, энэхүү үйл ажиллагаанд Монгол улсын ГХЯ-ны Ази, номхон далайн орнуудын газрын захирал Э.Сарантогос манлайлан оролцсон нь цахим орчинд шүүмжлэл дагуулаад байна. Гандантэгчэнлин юу даатгаж, ямар ном хурах нь дурын хэрэг. Гэтэл бүхэл бүтэн улсын Гадаад бодлого хариуцсан яамныхан тэнд гүйж очих нь илүү үйлдэл юм.