Ерөнхий сайд асан С.Баяр нартай холбогдох шүүх хурал хоёр дах өдрөө Баянзүрх, Чингэлтэй, Сүхбаатар дүүргийн эрүүгийн хэргийн анхан шатны шүүхэд үргэлжилж байна. Үүнтэй холбогдуулан С.Баяр байр сууриа илэрхийллээ. 

Ерөнхий сайд асан С.Баяр: Шүүгч шүүх хурлаа удирдаж, тал талаас баримтуудаа танилцуулсаар байна. Яг ямар шийдвэр гарахыг шүүгч л мэднэ. Юунд найдаж байна вэ гэхээр, би гэм буруутай, ямар нэг аргаар хууль бус үйл ажиллагаа хийсэн бол үг дуугүй хариуцлага хүлээнэ. Тийм нотлох баримт байхгүй, хийгээгүй хэрэгт гүтгэвэл би өөрийгөө хамгаалах л ёстой. “Петровис”-ын шатахууныг “Оюу толгой” компанид шахсан гэсэн хэргээр шүүх шалгаж байна. Өчигдөр шүүх бүрэлдэхүүн жил жилийн гэрээнүүдийг үзэж шалгалаа.  Гэрээнүүдийг нь аваад үзэхэд тийм зүйл байхгүй байгаа юм.Намайг хийгээгүй хэргээр маань шалгаж байна.