Баянзүрх дүүргийн нэгдсэн эмнэлэгт хэвтэн эмчлүүлж байсан хоёр хүнээс COVID-19 халдвар илэрсэн талаар Эрүүл мэндийн яамнаас өнөөдөр /2020.12.17/ мэдээлсэн. Тэгвэл үдээс хойш дахин есөн хүнээс нэмж халдвар илэрчээ. Халдвартай иргэдийн ойрын болон дам хавьтлыг тогтоож шинжилгээ авч байгааг албаныхан хэлж байна. Мөн шинээр халдвар илэрсэн есөн хүний ихэнх нь тус эмнэлгийн эмч, ажилчид байгааг эх сурвалж хэллээ.