Төв талбайд долоо дахь өдрөө өлсгөлөн зарлаж байгаа УИХ дахь АН-ын бүлгийн гишүүд өлсгөлөнгөө зогсоож байгаагаа албан ёсоор мэдэгдлээ.
Учир нь УИХ дахь АН-ын гишүүдийн тавьсан шаардлагын дагуу Ажлын хэсэг байгуулах УИХ-ын дарга Г.Занданшатарын захирамж гарсан юм.
Энэ тухай УИХ-ын дарга Г.Занданшатар өөрийн биеэр УИХ дахь АН-ын бүлгийн гишүүдэд танилцуулж, өлсгөлөнгөө зогсоохыг хүсэв. Улмаар УИХ дахь АН-ын бүлгийн гишүүд хуралдан, 100 хувийн саналаар өлсгөлөнгөө зогсоох шийдвэр гаргалаа.
