Хөвсгөл аймагт шинэ отряд байгуулна

Хөвсгөл аймагт шинэ отряд байгуулах талаар УИХ-ын гишүүн Л.Мөнхбаатар өчигдөр /2021.05.14/ цахим хуудсаараа мэдээллээ.

Тэрбээр энэ талаар "БНХАУ болон ОХУ-тай хил залгадаг 14 аймгаас сонгогдсон УИХ-ын гишүүдэд Хууль зүй, дотоод хэргийн сайд Х.Нямбаатар болон Хил хамгаалах ерөнхий газрын удирдлагууд “Монгол Улсын хил хамгаалах байгууллагын өнөөгийн нөхцөл байдал цаашид авч хэрэгжүүлэх ажил”-ын талаар танилцуулга хийж, мэдээлэл өглөө.

Монгол Улсын хилийн нийт урт 8,252.658 км бөгөөд үүнээс 3,543 км зурвасаар ОХУ-тай хиллэдэг байна. Хөвсгөл аймгийн хувьд ОХУ-тай хиллэдэг найман аймгийн нэг бөгөөд хамгийн урт газар нутгаар хиллэж байна.

Хөвсгөл аймгийн хилийн бүсэд малын хулгай болон хил зөрчигчийн асуудал их гардаг тул хил хамгаалалтын нягтралыг нэмэгдүүлж, шинээр отряд нэмж байгуулах хүсэлтийг Хууль зүйн сайдад тавиад байсан юм. Энэ асуудлыг ирэх 2022 онд улсын төсвийн хөрөнгө оруулалтаар шийдвэрлэхээр төлөвлөн ажиллаж байгаа талаараа тус уулзалтын үеэр ХЗДХ-ийн сайд мэдэгдлээ" гэв

 

⇐ Байгаль орчин, аялал жуулчлалын яам - 100 ХОНОГТ
ХӨХӨГЧИН ТАХИА ӨДӨР ⇒
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!