Энэ мэдээ хуучирсан буюу 2021/05/20-нд нийтлэгдсэн мэдээ болно.

Шинэ нисэх буудлын Шатахууны байгууламжийг турших ажил эхэлжээ

Хөшигийн хөндий дэх “Чингис Хаан” олон улсын нисэх буудлын үйл ажиллагааг 2021 оны долоодугаар сарын 01-нээс эхлүүлэхтэй холбогдуулан шатахууны байгууламжийн үйл ажиллагааг нарийвчлан шалгах туршилтын ажил өчигдөр эхэлжээ.

Нисэхийн аюулгүй ажиллагааг хангахад нэн тэргүүн анхаарах ёстой асуудлуудын нэг нь агаарын хөлгийг аюулгүй, найдвартай шатахуунаар сумлах ажил байдаг аж.

Тиймээс шинэ нисэх буудлыг ашиглалтад оруулах бэлтгэл ажлын хүрээнд орчин үеийн тоног төхөөрөмж бүхий шатахуун нөөцлөх сав, тоног төхөөрөмж, агаарын хөлөгт шатахуун сумлах технологийн үйл ажиллагаа, хөдөлмөрийн аюулгүй байдал, аюулгүй ажиллагаа, ажилтнуудын ажлын уялдаа холбоо, мэдлэг, ур чадвар, туршлага, гарч болох алдаа, дутагдлыг эрт илрүүлж залруулах зэрэг зорилготойгоор Газрын тусгай үйлчилгээ, шатахуун хангалтын албаныхан бүрэн хэмжээний нарийвчилсан туршилт, тохируулгын тестийг гурван өдөр хийхээр ийнхүү эхлүүлсэн байна.

Туршилт, тохируулгын ажилд ИНЕГ-ын Дэд дарга Б.Алтанцом, ИНҮТ-ийн дарга П.Мөнхжаргал болон албаны бусад хүмүүс оролцжээ.
Шатахуун хангамжийн байгууламж нь тус бүр 2000м/куб бүхий багтаамжтай 4ш нөөцлөх савтай, терминалийн 6 зогсоолд гидрант системтэй, 1 худаг нь 1 минутанд 1000 галлон буюу 3780 литр хүртэл шатахуун шахах, 3 агаарын хөлөгт нэгэн зэрэг сумлах хүчин чадалтай. Түүнчлэн шатахууныг шинжлэх орчин үеийн технологи бүхий иж бүрэн лаборатори ажиллаж байна хэмээн ИНЕГ-аас мэдээллээ. 

Улаанбаатарт 26-28 градус дулаан байна.
Улаанбаатарт 26-28 градус дулаан байна.
 
Путин: F-16 онгоцтой баазууд руу нь довтолно
Путин: F-16 онгоцтой баазууд руу нь довтолно
Энэ мэдээ хуучирсан буюу 2021/05/20-нд нийтлэгдсэн мэдээ болно.