Хот хэмээх их айл, удирдлагын багт ажил үүрэг их байхын хэрээр өндөр хариуцлага шаарддаг талбар. Тиймээс Нийслэлийн Засаг даргын нэгдүгээр орлогчийг “Ажлын хариуцлага алдсан” шалтгаанаар албан тушаалаас нь чөлөөлөөд байсан билээ. Харин түүний оронд томилогдох хүмүүсийн нэрсийг хэвлэл мэдээллээр таамаг дэвшүүлж байсан бол нийслэлийн Засаг даргын нэгдүгээр орлогчоор Ж.Сандагсүрэн, хоёрдугаар орлогчоор Агаар орчны бохирдол хариуцсан төслүүдийн удирдагч З.Төмөртөмөөг дэвшүүлэн томилжээ.

Хотын удирдлагын багт нэг жилийн өмнө багтаж байсан З.Төмөртөөмөө нь өнгөрөгч хугацаанд агаар орчны бохирдол хэмээх нийслэлд нэн тулгамдсан төслийн удирдагчаар амжилттай, идэвх санаачилгатай ажилласан учраас ийнхүү дэвшүүлэн томиллоо гэдгийг удирдлагын багийнхан дурдав.

Хотын дарга өдгөө хоёр орлогч, дөрвөн төслийн удирдагчтай. Төслийн удирдагч нь орлогчийн статустай ажилладаг байна. Тэгвэл одоо Хотын даргын орлогчоор Ж.Сандагсүрэн, З.Төмөртөөмөө нар ажиллахаар боллоо.

Эх сурвалж: Түмэн.мн