АНУ-ын Төлөөлөгчдийн танхим Украинд 40 тэрбум ам.долларын нэмэлт тусламж үзүүлэх хуулийн төслийг батлав

АНУ-ын Төлөөлөгчдийн танхим Украинд 40 гаруй тэрбум ам.долларын нэмэлт тусламж олгох багцыг мягмар гарагт яаралтай баталлаа. Төлөөлөгчдийн танхим Украины зардлын тухай хуулийн төслийг батлахад 368 гишүүн дэмжиж, 57 гишүүн эсэргүүцсэн байна. Эсрэг санал өгсөн гишүүд нь бүгд Бүгд найрамдах намынх байжээ. Уг хуулийн төслийг удахгүй Сенатад оруулж, санал хураалт явуулахаар төлөвлөж байна.

АНУ-ын Ерөнхийлөгч Ж.Байден Конгрессоос хуулийн төслийг аль болох хурдан гарын үсэг зуруулахаар өргөн барихыг хүсчээ. Тусламжийн багцад сургалт, тоног төхөөрөмж, зэвсэг гэх мэт аюулгүй байдлын тусламжид 6 тэрбум ам.доллар, АНУ-аас Украин руу илгээгээд буй тоног төхөөрөмжийн нөөцийг нөхөхөд 8.7 тэрбум ам.доллар, бусад зардалд 3.9 тэрбум ам.доллар зарцуулах аж.

А.Анхбаяр

Эх сурвалж: "Монцамэ" агентлаг

Нийслэлийн хэмжээнд үерийн хамгаалалтын барилга, байгууламжийг цэвэрлэж байна
Ц.Бавуудоржийн “Тарнийн цагаан цэцэг” роман хэвлэгдлээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!